4 sáýir - Olimpiada chempiony Bekzat Sattarhanov dúniege kelgen kún. Ol 20 jasynda Olimpiadada altyn medal jeńip alǵan. Alaida juldyzdai jarq etip, erte ómirden ótti, dep habarlaidy Dalanews.kz.
Sportshy 1980 jyly 4 sáýirde Túrkistanda ómirge kelgen. Mektepti bitirgen soń H. Iassaýi atyndaǵy Halyqaralyq qazaq-túrik ýniversitetine oqýǵa túsken. 1998 jyly jasóspirimder arasynda Aziia chempionatynda ekinshi orynǵa ie bolǵan. Sol jyly ol jasóspirimder arasyndaǵy álem chempionatynda kúmis júlde alǵan.
1999 jyly Bekzat Sattarhanovqa Tashkentte ótken Ortalyq Aziia jarysynda ekinshi oryn berildi, keiin ol Aziia chempiony atandy. Sonymen qatar, ol Ortalyq Aziia elderi chempionatyn jeńip aldy.
2000 jyly boksshy Gran-pri kýbogynda jeńiske jetti. Sol jyly Sidneide ótken jazǵy Olimpiada oiyndarynda da 57 kelige deiingi salmaqta chempion atandy. Finalda ol AQSh sportshysy Rikardo Hýarespen judyryqtasty.
2000 jyly 31 jeltoqsanda Bekzat Sattarhanov sol kezdegi Ońtústik Qazaqstan oblysy Shýbarovka aýyly mańynda jol apatynan qaza tapty. Ol Túrkistannan Shymkentke jeke kóligimen bara jatqan. Shymkentte onyń qurmetine Bekzat Sattarhanov atyndaǵy sport mektebi ashylǵan.
