Qostanai oblysynda jeke úiden órt shyǵyp, kámeletke tolmaǵan bes bala qaza tapty, - dep habarlaidy Dalanews.kz.
"Nasha gazeta" málimetinshe, qaiǵyly oqiǵa 11 qazanǵa qaraǵan túni Jitiqarada bolǵan. Saǵat 04.29-da úiden órt shyǵyp, 1 men 8 jas aralyǵyndaǵy bes bala qaza tapty.
Balalar úide jalǵyz qalǵan. Altynshy bala aman qalǵan.
"Qutqarýshylar 7 minýttyń ishinde kelgen. Alaida úi tutas órtenip ketken", - deidi jergilikti ákimdik ókilderi.
Órt saǵat 06.08-de tolyq sóndirilgen.
Úide 2011, 2016, 2018, 2019, 2022, 2023 jyly týǵan balalar bolǵan. Aralarynda tek 2011 jyly týǵan bala aman qalǵan.
"Aldyn ala boljam boiynsha, olardyń anasy keshki ýaqytta tanysyna ketken. Kúieýi bas bostandyǵynan aiyrylǵan. Órttiń qaidan shyqqany anyqtalyp jatyr", - delingen habarlamada.
Oblystyq prokýratýra málimetinshe, sotqa deiingi tergeý amaldary bastalǵan. Tergeý amaldary oblys prokýrorynyń baqylaýynda.
