قوستاناي وبلىسىندا جەكە ٷيدەن ٶرت شىعىپ, كەمەلەتكە تولماعان بەس بالا قازا تاپتى, - دەپ حابارلايدى Dalanews.kz.
"ناشا گازەتا" مەلٸمەتٸنشە, قايعىلى وقيعا 11 قازانعا قاراعان تٷنٸ جٸتٸقارادا بولعان. ساعات 04.29-دا ٷيدەن ٶرت شىعىپ, 1 مەن 8 جاس ارالىعىنداعى بەس بالا قازا تاپتى.
بالالار ٷيدە جالعىز قالعان. التىنشى بالا امان قالعان.
"قۇتقارۋشىلار 7 مينۋتتىڭ ٸشٸندە كەلگەن. الايدا ٷي تۇتاس ٶرتەنٸپ كەتكەن", - دەيدٸ جەرگٸلٸكتٸ ەكٸمدٸك ٶكٸلدەرٸ.
ٶرت ساعات 06.08-دە تولىق سٶندٸرٸلگەن.
ٷيدە 2011, 2016, 2018, 2019, 2022, 2023 جىلى تۋعان بالالار بولعان. ارالارىندا تەك 2011 جىلى تۋعان بالا امان قالعان.
"الدىن الا بولجام بويىنشا, ولاردىڭ اناسى كەشكٸ ۋاقىتتا تانىسىنا كەتكەن. كٷيەۋٸ باس بوستاندىعىنان ايىرىلعان. ٶرتتٸڭ قايدان شىققانى انىقتالىپ جاتىر", - دەلٸنگەن حابارلامادا.
وبلىستىق پروكۋراتۋرا مەلٸمەتٸنشە, سوتقا دەيٸنگٸ تەرگەۋ امالدارى باستالعان. تەرگەۋ امالدارى وبلىس پروكۋرورىنىڭ باقىلاۋىندا.
