قازاقستان ۇلتتىق قۇراماسىنىڭ 18 جاستاعى فۋتبولشىسى داستان سەتباەۆ «بەرنلي» ساپىندا «ۆۋلۆەرحەمپتونعا» قارسى كەزدەسۋگە قاتىستى. بۇعان دەيٸن ول ويىنشىنىڭ قۇقىعىنا يەلٸك ەتەتٸن لوندوندىق «چەلسي» كلۋبىنىڭ شەكتەۋٸنە بايلانىستى بٸر ماتچتٸ ٶتكٸزٸپ العان ەدٸ, دەپ حابارلايدى dalanews.kz.
سەتباەۆ نەگٸزگٸ قۇرامعا ەنبەگەنٸمەن, ماتچتٸڭ 61-مينۋتىندا, ەسەپ 1:1 بولىپ تۇرعان كەزدە الاڭعا شىقتى.
قازاقستاندىق فۋتبولشى الاڭدا 29 مينۋت ٶتكٸزدٸ. Flashscore پورتالى ونىڭ ويىنىن 6,4 بالعا باعالادى. سەتباەۆ قارسىلاس قاقپاسىنا سوققى جاساماعانىمەن, توعىز پاس بەرٸپ, بارلىعىن دەل جەتكٸزدٸ.
كەزدەسۋدٸڭ 20-مينۋتىندا دجەيمي ۆاردي «بەرنليدٸ» العا شىعاردى. الايدا 39-مينۋتتا فەر لوپەس ەسەپتٸ تەڭەستٸردٸ.
ال 71-مينۋتتا تاۆاندا چيرەۆا «ۆۋلۆەرحەمپتوننىڭ» جەڭٸس گولىن سوقتى. وسىلايشا ماتچ 1:2 ەسەبٸمەن اياقتالدى.
بۇل «بەرنليدٸڭ» 11 ماتچتاعى بەسٸنشٸ جەڭٸلٸسٸ بولدى. كوماندا سەگٸز ۇپايمەن 24 كلۋبتىڭ اراسىندا 21-ورىندا تۇر.
«چەلسي» سەتباەۆتىڭ الاڭعا شىعۋىنا نەگە تىيىم سالدى?
ەسكە سالايىق, داستان سەتباەۆ 2 قىركٷيەكتە «ميدلسبروعا» قارسى ويىندا جاراقات الىپ, بٸر ايدان استام ۋاقىت الاڭعا شىعا الماعان ەدٸ.
ول 10 قازاندا «ۋوتفوردقا» قارسى ٶتكەن جەڭٸستٸ كەزدەسۋدە ويىنعا قايتا ورالدى.
الايدا 13 قازاندا «چارلتونعا» قارسى ماتچتٸڭ ٶتٸنٸمٸنە ەنبەدٸ. كەزدەسۋدەن كەيٸن «بەرنليدٸڭ» باس باپكەرٸ نيكي حايەن «چەلسي» باسشىلىعى سەتباەۆتى الاڭعا شىعارۋعا رۇقسات بەرمەگەنٸن مەلٸمدەدٸ.
«بەرنلي» كەلەسٸ كەزدەسۋٸن 24 قازاندا «لينكولن سيتيگە» قارسى ٶتكٸزەدٸ. ماتچ قازاقستان ۋاقىتىمەن ساعات 19:00-دە باستالادى.
