كاراتەدەن ەلەم چەمپيونى مٶلدٸر جاڭبىرباي قىزىلوردادا بەس ايلىق سەبيدٸڭ ٶلٸمٸنە ەكەلگەن جول اپاتىنا قاتىستى مەلٸمدەمە جاسادى. سپورتشى زارداپ شەككەن ەيەلدٸڭ ٶزٸنٸڭ كەلٸنٸ ەكەنٸن ايتىپ, كٷدٸكتٸنٸڭ ەلٸ ۇستالماعانىنا الاڭداۋشىلىق بٸلدٸردٸ, دەپ حابارلايدى dalanews.kz.
سپورتشىنىڭ سٶزٸنشە, قايعىلى وقيعا 13 قازان كٷنٸ ساعات 17:30 شاماسىندا بولعان. سول ۋاقىتتا ونىڭ ٸنٸسٸنٸڭ جۇبايى نارگيز بەس ايلىق ۇلىمەن كٶشەدە سەرۋەندەپ جٷرگەن.
ساعىنباەۆ كٶشەسٸنەن قۇلتەكەنوۆ كٶشەسٸنە بۇرىلعان اۆتوكٶلٸكتٸڭ جٷرگٸزۋشٸسٸ رٶلگە يە بولا الماي, اناسى مەن بالاسىن قاعىپ كەتكەن.
"سوققىنىڭ قاتتى بولعانى سونشالىق, اناسى مەن سەبي بٸرنەشە مەترگە ۇشىپ كەتكەن. ەيەل بٸر جاققا, ال بالا جولدىڭ ورتاسىنا قۇلاعان. كٶلٸك جٷرگٸزۋشٸسٸ وقيعادان كەيٸن كٶلٸگٸن, تەلەفونىن, تٸپتٸ اياق كيٸمٸن دە سول جەردە قالدىرىپ, قاشىپ كەتكەن. جەدەل جەردەم مەن پوليتسييا كەلگەنگە دەيٸن كٷدٸكتٸ قالادان كەتٸپ قالعان دەگەن اقپارات بار. ٶكٸنٸشكە قاراي, بەس ايلىق سەبي اۋرۋحاناعا جەتكەندە كٶز جۇمعان. ال اناسىنىڭ جاعدايى ٶتە اۋىر. نارگيز ٷشٸنشٸ كٷن قاتارىنان جانساقتاۋ بٶلٸمٸندە جاتىر", – دەدٸ سپورتشى.
مٶلدٸر جاڭبىرباي كەلٸنٸنٸڭ اۋىر جاراقات العانىن جەتكٸزدٸ. ونىڭ ايتۋىنشا, نارگيزدٸڭ جامباس سٷيەگٸ ەكٸ جەردەن سىنىپ, دەنەسٸنٸڭ سول جاق بٶلٸگٸ قاتتى زاقىمدانعان. سونداي-اق باس سٷيەگٸ سىنىپ, باسىندا گەماتوما پايدا بولعان.
قازٸر ەيەل جانساقتاۋ بٶلٸمٸندە ەم قابىلداپ جاتىر. سپورتشىنىڭ سٶزٸنشە, ونىڭ ەسٸ بٸردە كٸرٸپ, بٸردە شىعادى.
"جٷرگٸزۋشٸ نەگە ەلٸ ۇستالمادى?"
مٶلدٸر جاڭبىربايدى الاڭداتقان باستى مەسەلە – جول اپاتىنا قاتىسى بار جٷرگٸزۋشٸنٸڭ ٸزدەۋدە جٷرۋٸ.
سپورتشى پوليتسييا قىزمەتكەرلەرٸنٸڭ كٷدٸكتٸنٸ ۇستاۋعا قاتىستى ەرەكەتٸنە كٶڭٸلٸ تولمايتىنىن جەتكٸزدٸ. سونداي-اق ونىڭ ايتۋىنشا, اتالعان جٷرگٸزۋشٸ بۇعان دەيٸن دە جول اپاتتارىنا قاتىسقان.
"بٸزدٸڭ باستى مەسەلەمٸز – بۇعان دەيٸن ەكٸ ادامدى قاعىپ كەتكەن كەزدە بۇل ادام ۇستالعاندا, مۇنداي جاعداي بولماس پا ەدٸ? قازٸر بەس ايلىق سەبيٸمٸزدەن ايىرىلىپ وتىرمىز. ال اناسى جانساقتاۋ بٶلٸمٸندە جاتىر. جٷرگٸزۋشٸ ەلٸ كٷنگە دەيٸن ۇستالماي وتىر", – دەپ دابىل قاقتى.
سپورتشى قايعىلى جاعدايعا كٸنەلٸ ادامنىڭ زاڭ الدىندا جاۋاپ بەرۋٸن تالاپ ەتٸپ وتىر.
ايتا كەتەيٸك, بۇعان دەيٸن قىزىلوردا وبلىسىنىڭ پوليتسيياسى ادام ٶلٸمٸنە ەكەلگەن جول-كٶلٸك وقيعاسى بويىنشا قىلمىستىق ٸستەر قوزعالعانىن جەنە كٷدٸكتٸنٸڭ جەكە باسى انىقتالعانىن حابارلاعان.
