مەملەكەتتٸك ەلەۋمەتتٸك ساقتاندىرۋ قورىنىڭ باسشىسى الماس قۇرمانوۆ بالا تۋۋعا بايلانىستى ەلەۋمەتتٸك جەردەماقىلاردىڭ دەموگرافيياعا ەسەرٸ تۋرالى پٸكٸر بٸلدٸردٸ. ول اۋقاتتى وتباسىلارعا كەيبٸر تٶلەمدەردٸ توقتاتۋ بالا تۋۋ كٶرسەتكٸشٸنٸڭ تٶمەندەۋٸنە ەكەلمەيدٸ دەپ ەسەپتەيدٸ. قۇرمانوۆتىڭ افريكا ەلدەرٸن مىسالعا كەلتٸرگەن سٶزٸ ەلەۋمەتتٸك جەلٸ قولدانۋشىلارىنىڭ نارازىلىعىن تۋدىردى, دەپ حابارلايدى dalanews.kz.
جەلٸدە تاراعان ۆيدەودا جۋرناليست قۇرمانوۆتان ەلەۋمەتتٸك تٶلەمدەرگە قاتىستى جوسپارلانعان ٶزگەرٸستەردٸڭ دەموگرافيياعا ىقپالىن سۇراعان. اتاپ ايتقاندا, تۇرمىسى تٶمەن وتباسىلار ٷشٸن بٸرنەشە بالانى اسىراپ-باعۋ قيىن ەكەنٸن ايتىپ, مەملەكەتتٸك قولداۋدى قىسقارتۋ بالا تۋۋ كٶرسەتكٸشٸنە كەرٸ ەسەر ەتپەي مە دەگەن مەسەلە كٶتەرگەن.
بۇعان جاۋاپ بەرگەن قۇرمانوۆ افريكا ەلدەرٸن مىسالعا كەلتٸرگەن. ونىڭ ايتۋىنشا, بۇل ەلدەردە بالا تۋۋ كٶرسەتكٸشٸ جوعارى بولعانىمەن, قازاقستانداعىداي ەلەۋمەتتٸك جەردەماقىلار بەرٸلمەيدٸ.
ول بالالى بولۋ تۋرالى شەشٸم تەك مەملەكەتتٸك جەردەماقىنىڭ مٶلشەرٸنە بايلانىستى قابىلدانباۋى كەرەك دەگەن پٸكٸر بٸلدٸرگەن.
الايدا قور باسشىسىنىڭ بۇل جاۋابى ەلەۋمەتتٸك جەلٸدە سىنعا ۇشىرادى. ولار قۇرمانوۆتىڭ افريكا ەلدەرٸن مىسالعا كەلتٸرگەنٸن سىنعا الدى.
«ونى قىزمەتٸنەن بوساتىپ, افريكاعا تۇرۋعا جٸبەرۋ كەرەك», – دەپ جازدى پٸكٸر قالدىرۋشىلاردىڭ بٸرٸ.
تاعى بٸر قولدانۋشى: «زەينەتاقى تۋرالى سٶز بولعاندا بٸزدٸ ەۋروپامەن سالىستىرادى, ال جەردەماقىعا كەلگەندە افريكامەن سالىستىرادى ەكەن», – دەپ نارازىلىعىن بٸلدٸردٸ.
«قازاقستاندى افريكامەن سالىستىرماس بۇرىن جەردەماقىعا ٶمٸر سٷرٸپ, ازىق-تٷلٸك, كوممۋنالدىق قىزمەت پەن دەرٸ-دەرمەك اقىسىن تٶلەپ كٶرسٸن. بالالار جەردەماقى ٷشٸن دٷنيەگە كەلمەيدٸ, بٸراق مەملەكەت وتباسىلاردى قولداۋعا مٸندەتتٸ. نەگە بيۋدجەت قاراجاتىن ٷنەمدەۋدٸ شەنەۋنٸكتەردٸڭ ارتىقشىلىقتارىنان ەمەس, انالار مەن بالالاردان باستايدى?» – دەپ جازدى تاعى بٸر جەلٸ قولدانۋشىسى.
2027 جىلدان باستاپ قانداي تٶلەمدەر ٶزگەرۋٸ مٷمكٸن?
قازاقستاندا 2027 جىلدان باستاپ ەل-اۋقات دەڭگەيٸ بويىنشا ا جەنە ۆ ساناتتارىنا جاتقىزىلعان وتباسىلارعا بٸرقاتار ەلەۋمەتتٸك تٶلەمدەردٸ شەكتەۋ جوسپارلانىپ وتىر.
اتاپ ايتقاندا, ٶزگەرٸستەر بالا تۋعان كەزدە بەرٸلەتٸن بٸرجولعى مەملەكەتتٸك جەردەماقىعا قاتىستى بولۋى مٷمكٸن.
سونداي-اق جۇمىس ٸستەمەيتٸن انالارعا بالا بٸر جارىم جاسقا تولعانعا دەيٸن تٶلەنەتٸن اي سايىنعى جەردەماقىنى شەكتەۋ ۇسىنىلىپ وتىر.
ال مٸندەتتٸ ەلەۋمەتتٸك ساقتاندىرۋ جٷيەسٸنە قاتىسقان, جۇمىس ٸستەيتٸن ەيەلدەرگە بەرٸلەتٸن ساقتاندىرۋ تٶلەمدەرٸن وتباسىنىڭ تابىس دەڭگەيٸنە قاراماستان ساقتاۋ جوسپارلانعان.
ەزٸرگە بۇل ٶزگەرٸستەر جوسپار رەتٸندە تالقىلانىپ جاتىر. دەگەنمەن ەلەۋمەتتٸك قولداۋدى وتباسىنىڭ ەل-اۋقاتىنا قاراي بٶلۋ باستاماسى قوعامدا قىزۋ پٸكٸرتالاس تۋدىرىپ وتىر.
