استانادا قوعامدىق ورىندا بەيتانىس ەيەلدٸڭ سوڭىنان قالماي, تەلەفون نٶمٸرٸن تالاپ ەتكەن ەر ادام 10 تەۋلٸككە ەكٸمشٸلٸك قاماۋعا الىندى, دەپ حابارلايدى dalanews.kz سوتتىڭ باسپاسٶز قىزمەتٸنە سٸلتەمە جاساپ.
سوت مەلٸمەتٸنشە, وقيعا 12 قازاندا تاڭعى ساعات 08:10 شاماسىندا بولعان. ماس كٷيدە بولعان ەر ادام قوعامدىق كٶلٸكتەن تٷسكەن بەيتانىس ەيەلدٸڭ سوڭىنان ەرٸپ, جۇمىس ورنىنا دەيٸن بارعان.
ول ەيەلدەن قايتا-قايتا تەلەفون نٶمٸرٸن تالاپ ەتٸپ, ەدەپسٸز ەرەكەتتەر جاساعان.
استانا قالاسىنىڭ ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان اۋدانارالىق سوتى اتالعان ٸستٸ ەكٸمشٸلٸك قۇقىق بۇزۋشىلىق تۋرالى كودەكستٸڭ 434-بابى 1-بٶلٸگٸ, ياعني ۇساق بۇزاقىلىق بويىنشا قارادى.
سوت وتىرىسىندا ەر ادام ٶز كٸنەسٸن مويىنداعان. ونىڭ قۇقىق بۇزۋشىلىق جاساعانى ٸس ماتەريالدارىمەن, تٷسٸنٸكتەمەلەرٸمەن, ەكٸمشٸلٸك قۇقىق بۇزۋشىلىق تۋرالى حاتتامامەن, بەينەجازبالارمەن جەنە جەبٸرلەنۋشٸنٸڭ ارىزىمەن راستالعان.
اتالعان باپ بويىنشا 20 ايلىق ەسەپتٸك كٶرسەتكٸش مٶلشەرٸندە ايىپپۇل سالۋ, 20-دان 60 ساعاتقا دەيٸن قوعامدىق جۇمىستارعا تارتۋ نەمەسە 5-تەن 10 تەۋلٸككە دەيٸن ەكٸمشٸلٸك قاماۋعا الۋ جازاسى قاراستىرىلعان.
سوت جازا تاعايىنداۋ كەزٸندە قۇقىق بۇزۋشىلىقتىڭ سيپاتىن, ەر ادامنىڭ الكوگولدٸك ماساڭ كٷيدە بولعانىن, ەيەلدٸ ۇزاق ۋاقىت اڭدىعانىن جەنە ونىڭ جەكە باسىنا قول سۇعىلماۋشىلىق قۇقىعىن بۇزعانىن ەسكەرگەن.
نەتيجەسٸندە ەر ادام ۇساق بۇزاقىلىق جاساعانى ٷشٸن كٸنەلٸ دەپ تانىلىپ, 10 تەۋلٸككە ەكٸمشٸلٸك قاماۋعا الىندى.
