Almatyda tanymal ánshi Gúlnár Sıqymbaevanyń jalǵyz uly Baır Sıqymbaev habar-osharsyz joǵalyp ketti. Bul týraly onyń jary Uljan Sháripbekova málimdedi, dep habarlaıdy Dalanews.kz.

Uljan Sháripbekova "Barmysyń, baýyrym?" radıobaǵdarlamasynda kúıeýin izdestirip jatqanyn jetkizdi. Onyń sózinshe, Baır Sıqymbaev 24 naýryzda shamamen saǵat 13:00-de úıden shyǵyp ketip, sodan beri qaıta oralmaǵan. Keıin ony izdeý bastalyp, polısıaǵa da resmı túrde habar berilgen. Alaıda ázirge naqty málimet joq.

"Sońǵy kezde ata-anasynan qalǵan úıdi satyp, basqa jaqqa kóshkim keledi dep aıtatyn. Adam bolǵan soń neshe túrli oı keledi. Úıge qatysty bolýy múmkin be dep te oılaımyn. Qazirgi zamanda alaıaq kóp. Bolmasa bir jerde bireý ustap, qınap otyr ma, ne oılarymdy bilmeımin", - dedi ol.

Uljan Sháripbekova joldasyn kórgen-bilgen jandardan ózine nemese polısıaǵa habarlasýdy surady.