Aqtóbe oblysy Mártók aýdanynda joǵalǵan bala bes kúnnen beri tabylmai jatyr. Bul týraly óńir politsiiasy málimdedi, dep habarlaidy Dalanews.kz.
Saryjar aýylynda joǵalǵan balany izdestirý jumystary bes táýlikten beri jalǵasyp jatyr. Izdestirýge politsiia qyzmetkerleri, TJD bólimsheleri, qutqarýshylar (sonyń ishinde súńgýirler), kinologtar jumyldyrylyp, ushqyshsyz ushý apparattary, arnaiy tehnika qoldanylǵan. Izdeý jumystaryna áskeri qyzmetshiler men jergilikti turǵyndar da tartylǵan.
"Aqtóbe oblysy Politsiia departamentiniń bastyǵy Qaiyrken Áliev joǵalǵan balany izdestirýge jumyldyrylǵan jeke quramǵa izdestirý tiimdiligin arttyrý boiynsha nusqaý ótkizip, árqaisyna barynsha muqiiat bolýdy, eshbir kúdikti detaldi nazardan tys qaldyrmaýdy jáne dereý baiandaýdy tapsyrdy", - dep jazylǵan habarlamada.
Aita keteiik, 29 naýryzda Saryjar aýylynda 2016 jyly týǵan bala joǵaldy. Aldyn ala málimet boiynsha bala sýǵa túsip ketýi múmkin.
