اقتوبە وبلىسى مارتوك اۋدانىندا جوعالعان بالا بەس كۇننەن بەرى تابىلماي جاتىر. بۇل تۋرالى ءوڭىر پوليسياسى مالىمدەدى، دەپ حابارلايدى Dalanews.kz.
سارىجار اۋىلىندا جوعالعان بالانى ىزدەستىرۋ جۇمىستارى بەس تاۋلىكتەن بەرى جالعاسىپ جاتىر. ىزدەستىرۋگە پوليسيا قىزمەتكەرلەرى، تجد بولىمشەلەرى، قۇتقارۋشىلار (سونىڭ ىشىندە سۇڭگۋىرلەر)، كينولوگتار جۇمىلدىرىلىپ، ۇشقىشسىز ۇشۋ اپپاراتتارى، ارنايى تەحنيكا قولدانىلعان. ىزدەۋ جۇمىستارىنا اسكەري قىزمەتشىلەر مەن جەرگىلىكتى تۇرعىندار دا تارتىلعان.
"اقتوبە وبلىسى پوليسيا دەپارتامەنتىنىڭ باستىعى قايىركەن الييەۆ جوعالعان بالانى ىزدەستىرۋگە جۇمىلدىرىلعان جەكە قۇرامعا ىزدەستىرۋ تيىمدىلىگىن ارتتىرۋ بويىنشا نۇسقاۋ وتكىزىپ، ءارقايسىنا بارىنشا مۇقيات بولۋدى، ەشبىر كۇدىكتى دەتالدى نازاردان تىس قالدىرماۋدى جانە دەرەۋ بايانداۋدى تاپسىردى"، - دەپ جازىلعان حابارلامادا.
ايتا كەتەيىك، 29 ناۋرىزدا سارىجار اۋىلىندا 2016 جىلى تۋعان بالا جوعالدى. الدىن الا مالىمەت بويىنشا بالا سۋعا ءتۇسىپ كەتۋى مۇمكىن.
