Qazgidromet jeti qalada aýa sapasy nasharlaitynyn eskertti, dep habarlaidy Dalanews.kz.
Sinoptikter 4 sáýirde Qazaqstannyń birneshe qalasynda qolaisyz meteorologiialyq jaǵdai qalyptasatynyn habarlady.
Osylaisha Pavlodar, Óskemen, Ridder, Semei, Atyraý, Aqtóbe jáne Almaty qalalarynda qolaisyz meteorologiialyq jaǵdai bolady.
Qolaisyz meteorologiialyq jaǵdai - aýadaǵy ziian zattar taralýyna kedergi keltiretin kezeń. Jyl basynan beri sinoptikter eldiń túrli qalasynda aýa sapasy nasharlaǵanyn birneshe ret habarlaǵan edi. Aýa sapasy adamnyń densaýlyǵy men ómir súrý uzaqtyǵyna tikelei áser etedi.
Mamandar múmkindiginshe syrtta az júrýge, ásirese, kólik kóp júretin joldardyń mańynda uzaq turmaýǵa keńes beredi.
