Almatyda 3 sáýirden bastap jylý berý kezeń-kezeńimen toqtatylyp jatyr, dep habarlaidy Dala News.
Bul sheshim aýa raiynyń jylynýyna bailanysty qabyldanǵan. Qalada syrtqy aýanyń ortasha táýliktik temperatýrasy bes kún qatarynan +8 gradýstan joǵary deńgeide saqtalǵan.
Jylý júiesin óshirý jumystary kezeń-kezeńimen júzege asyrylady. Aldymen ákimshilik ǵimarattarda jylý toqtatylady, keiin turǵyn úilerge, al eń sońynda áleýmettik nysandarǵa, iaǵni mektepter, balabaqshalar men aýrýhanalarǵa berilýi toqtaidy.
