«Qazaqmys» tobynyń kásiporyndary «Taza Qazaqstan» respýblikalyq ekologiialyq aktsiiasyna qosylyp, ózderi jumys isteitin óńirlerde senbilikter ótkizip bastady, dep habarlaidy Dalanews.kz.
Ekologiialyq is-sharalar sáýirden mamyrǵa deiin jalǵasady. Osy kezeńde óndiristik alańdarda jáne eldi mekenderde apta saiyn aýmaqtardy abattandyrý jáne tazalaý jumystary júrgiziletin bolady.
Kompaniia tek óz kásiporyndary ishindegi tártipke ǵana emes, sonymen qatar qalalyq ortany jaqsartýǵa da erekshe kóńil bóledi. Aktsiia aiasynda «Qazaqmys» qyzmetkerleri kóshelerdi, irgeles aýmaqtardy jáne qoǵamdyq keńistikterdi tazalaý jumystaryna qatysýda.
Negizgi jumystar kezeńi 2-4 sáýir aralyǵynda Jezqazǵan, Qaraǵandy, Sátbaev jáne Balqash qalalarynda ótti. Aýqymdy senbilikterge Qazaqmys korporatsiiasynyń, Kazakhmys Smelting, Kazakhmys Meintenance Services, KLMZ (Maker), Kazakhmys Barlau, kolledjderdiń, ZhezAir, Jezqazǵan meditsinalyq ortalyǵy kompaniialarynyń 1100-nan astam qyzmetker qatysyp, shamamen 100 birlik arnaiy tehnika jumyldyryldy. 95 tonnaǵa jýyq qoqys jinalyp, shyǵaryldy.
Is-sharalar barysynda óndiristik aýmaqtardyń perimetrleri men jol infraqurylymy tazartylyp, qaldyqtar shyǵarylýda, kógaldandyrý jáne aǵash otyrǵyzý úshin topyraq daiyndalýda. Samosvaldar men tiegishterdi paidalaný iri kólemdi qaldyqtardy jedel shyǵarýǵa jáne jumystardyń tiimdiligin arttyrýǵa múmkindik beredi.
«Taza Qazaqstan» aktsiiasyna qatysý kompaniianyń júieli ekologiialyq saiasatynyń bir bóligi bolyp tabylady. Turaqty túrde ótkiziletin senbilikter tek tazalyqty saqtaýǵa ǵana emes, sondai-aq qorshaǵan ortaǵa uqypty qaraý mádenietin qalyptastyrýǵa baǵyttalǵan.
