Áleýmettik jelilerde "sotqa qatysý týraly" jalǵan habarlamalar men siltemeler tarap jatyr. Bul – internet alaiaqtarynyń jańa tásili, dep habarlaidy Dalanews.kz.
Alaiaqtar azamattarǵa messendjerler, SMS nemese elektron poshta arqyly habarlasyp, ózderin sot nemese basqa da memlekettik organ qyzmetkerleri retinde tanystyrady.
Habarlamada "sot otyrysyna qatysýyńyz kerek, kelmegen jaǵdaida aiyppul arqalaisyz, jaǵdaidy sotqa deiin sheshemin deseńiz berilgen nómir arqyly habarlasyńyz" degen mazmunda aqparat berilip, arnaiy siltemege ótýdi suraidy.
Bul siltemeler jalǵan saittarǵa aparady.
Bul saittar resmi portaldarǵa uqsas etip jasalǵan. Onda paidalanýshydan jeke derekterin, sonyń ishinde JSN, bank kartasynyń málimetteri men SMS kodtardy engizý talap etiledi. Mundai aqparatty engizý alaiaqtarǵa sizdiń qarjyńyzǵa qol jetkizýge múmkindik beredi.
Politsiia departamenti eskertedi:
- Memlekettik organdar kúmándi siltemeler jibermeidi;
- Sotqa shaqyrý resmi túrde ǵana jetkiziledi;
- Beitanys siltemelerge ótpeý qajet.
