Almatyda turǵyndarǵa tiisken úsh qyz elden shyǵaryldy, dep habarlaidy Dalanews.kz.
Bul týraly Almaty Politsiia departamenti málimdedi.
"Almaty qalasynda qoǵamdyq oryndarda quqyqqa qaishy áreket jasaǵany úshin shetel azamattary sot sheshimimen Qazaqstan Respýblikasynyń aýmaǵynan shyǵaryldy. Sottyń qaýlysymen olarǵa el aýmaǵyna qaita kirýge tyiym salyna otyryp, májbúrli túrde shyǵarý týraly sheshim qabyldandy. Buǵan deiin politsiia qyzmetkerleri áleýmettik jelilerge júrgizgen monitoring barysynda kámeletke tolmaǵandar azamattarǵa agressivti ári ádepsiz minez-qulyq tanytqan videony anyqtaǵan bolatyn. Jasóspirimder jedel túrde anyqtalyp, Kámeletke tolmaǵandardy beiimdeý ortalyǵyna ornalastyryldy. Olardyń zańdy ókilderi balalardy tárbieleý jónindegi mindetin tiisinshe oryndamaǵany úshin ákimshilik jaýapkershilikke tartyldy", - dedi politsiia.
Aita keteiik, buǵan deiin áleýmettik jelide daý týǵyzatyn video tarady. Videoda kishkentai qyzdar saiabaqtaǵy adamdarǵa tiiskeni, aqsha surap, bermese, zattaryn tartyp alǵany, urǵany aityldy.
