Senat depýtattary 2025 jylǵy 27 aqpanda ótken jalpy otyrysta Qazaqstan men Resei úkimetteri arasyndaǵy biryńǵai energetikalyq júielerdiń parallel jumys isteýin qamtamasyz etý jónindegi sharalar týraly kelisimderdi ratifikatsiialady. Jańa kelisimge sáikes, Máskeý endi Qazaqstannyń tapshylyǵyn kommertsiialyq negizde jabatyn bolady, dep habarlaidy Dalanews.kz.
Senator Shákárim Buqtuǵytovtyń aitýynsha, Qazaqstannyń energetikalyq júiesi Resei Federatsiiasy men Ortalyq Aziia elderiniń energetikalyq júiesimen paralell rejimde jumys isteidi. Energetika ministrligi usynǵan derekterge sáikes, biryńǵai energetikalyq júiede sońǵy jyldary Qazaqstannyń retteýshi qýattar boiynsha tapshylyǵy baiqalady. Sonymen qatar, otandyq elektr stantsiialardaǵy avariialyq jáne jospardan tys jóndeý jumystary Qazaqstan men Reseidiń energojúieleri arasyndaǵy elektr qýaty aǵyndarynyń ruqsat etilgen mánderiniń júieli túrde asyp otyrýyna ákelip soqqan.
"Bizdiń elimizdiń energetikasy uzaq ýaqyt boiy artyshylyqta bolyp keldi. 2021 jylǵa deiin elektr energiiasy men qýattyń profitsiti baiqaldy. Alaida, sońǵy jyldary birqatar obektivti sebepterge bailanysty respýblikamyzdyń energetikalyq salasy dáiekti túrde tapshy salaǵa ainalýda. Osynyń dáleli - ótken jyl, onyń qorytyndysy boiynsha biz Reseiden 3,1 mlrd kVtsaǵ astam elektr energiiasyn importtaýǵa májbúr boldyq", - dedi senator.
Tapshylyqtyń negizgi sebepteri - energiia júiesindegi negizgi jáne qosalqy jabdyqtardyń tozýynyń joǵary deńgeii, elektr jáne jylý energiiasy tutynysynyń jyl saiynǵy ósimi, tiimsiz tariftik saiasat jáne energiia júielerin jańǵyrtýda qarajattyń jetispeýshiligi.
Shákárim Buqtuǵytov JEO-nyń jalpy sanynyń 46% nemese qoldanystaǵy barlyq jylý ortalyǵynyń 17-sinde jabdyqtardyń eskirýi 70%-dan asatynyn eske salady. Birqatar óńirlerde JEO-lardyń azyp-tozý deńgeii 80%-dan asady. Barlyq JEO boiynsha tozýdyń ortasha deńgeii 61%-dy, al ortasha qoldanys kezeńi 62 jyldy quraidy. Munyń bári tótenshe jaǵdailardyń qaitalaný qaýpin týdyrady.
Kelisimniń maqsaty - Resei Federatsiiasynan Qazaqstan biryńǵai elektr júiesine berýdi josparlap otyrǵan jyl saiynǵy elektr energiiasynyń kólemin kelisý, sondai-aq elektr energiiasyn kommertsiialyq negizde satyp alý jáne satý qunyn aiqyndaý bolyp tabylady.
Buǵan deiin Májilis Reseimen biryńǵai energetikalyq júielerdiń jumysyn qamtamasyz etý týraly kelisimdi ratifikatsiialady. Sońǵy jyldary Resei Federatsiiasynan elektr energiiasynyń aǵyny kelisilip, ózara ruqsat etilgen +/- 150 MVt kóleminen edáýir asyp ketip otyr. Keibir saǵattarda qýattylyqtyń aýytqýy 1500 MVt-qa deiin jetedi.
Buǵan deiin saitymyzda "Energetikalyq apat: Qaraǵandy oblysynyń bir aýdanynda tótenshe jaǵdai jariialandy" degen material jariialanǵan bolatyn. Maqalada Shet aýdanyndaǵy birneshe eldimekenniń jaryqsyz otyrǵany týraly jazylǵan.
