Qarjylyq monitoring agenttigi Bas prokýratýranyń úilestirýimen jáne Ulttyq qaýipsizdik komitetimen birlese otyryp, izdeýde bolǵan Timýr Sadvaqasovty Qazaqstan Respýblikasynyń aýmaǵyna jetkizdi, dep habarlaidy Dalanews.kz.
Ol asa iri kólemde alaiaqtyq jasaǵany jáne laýazymdy tulǵalarǵa para berýge itermelegeni úshin kúdikke ilingen.
2023 jylǵy shilde aiynda Timýr Sadvaqasov pen advokat Qurmanbaev S.N. ózderiniń qyzmettik bailanystaryn paidalanyp, Dolgalev V.I.-diń iskerlik seriktesterine qatysty sotqa deiingi tergeý bastaý máselesin sheshýdi usynǵan.
Atalǵan máseleni sheshý úshin Timýr Sadvaqasov pen Qurmanbaev S.N.-ǵa zańsyz syiaqy retinde 225 mln teńge berý jóninde kelisim jasalǵan.
Alaida, kúdiktiler paranyń alǵashqy bóligi – 90 mln teńgeni alǵannan keiin bul qarajatty óz paidasyna jaratqan jáne óz mindettemelerin oryndamaǵan.
Keiin Timýr Sadvaqasov qylmystyq jaýapkershilikke tartylýdan qaýiptenip, sottan jasyrynǵan.
Ol memlekettik shekarany zańsyz kesip ótip, Ózbekstan Respýblikasynyń Shekara qyzmeti tarapynan ustalǵan. Soǵan bailanysty oǵan qatysty shekarany zańsyz kesip ótkeni úshin qylmystyq is qozǵalǵan.
2025 jylǵy 25 aqpanda Túrkistan oblysyndaǵy «Qaplanbek» shekara baqylaý-ótkizý pýnktinde ol Qarjylyq monitoring agenttiginiń qyzmetkerlerine tapsyrylyp, keiin Shymkent qalasyndaǵy tergeý izoliatoryna qamaldy.
Jaqyn arada ol Pavlodar qalasyndaǵy tergeý izoliatoryna jetkiziledi.
Atalǵan is Pavlodar oblysynyń mamandandyrylǵan aýdanaralyq qylmystyq sotynda qarastyrylady.
