Ministr eń aldymen oblys ortalyǵynyń, jalpy alǵanda óńirdiń damý josparymen tanysty. Kemel jerdiń keleshegin aimaq basshysy Marat Sultanǵaziev aityp, bas josparǵa kiriktirilgen jobalardy taldap berdi.
Artynsha, ministr men ákimdik ókilderi dóńgelek ústelde bas qosty. Kún tártibindegi negizgi taqyryp, Qonaev qalasynnan akademiialyq qalashyqty qurýǵa arnaldy.
Kezdesý barysynda Almaty oblysy bilim basqarmasynyń bashysy Saltanat Bespaeva alǵashqy bolyp sóz alyp, taiaý bolashaqta atqarylar keleli ister týrasynda baiandama jasady.
Óńirdiń bas ustazynyń aitýynsha, osyǵan deiin Almaty oblystyq bilim basqarmasy QR Oqý-aǵartý ministrligine akademiialyq qalashyqta 1200 oryndyq Politehnikalyq kolledj salý týraly usynys berip, ol ministrlikten qoldaý taýyp, oblys ákimi Marat Eleýsizulynyń atynan Úkimetke suranys hatta joldanǵan.
Bul bastamany QR Premer-Ministri Álihan Smailovtyń ózi de qoldaityndyǵyn aitqan edi.
Óńirde akademiialyq qalashaqty qurýdaǵy maqsat – oblys aýmaǵynda ornalasqan kásiporyndar men sharýashlyqtarǵa qajetti bilikti mamandardy shet memleketten aldyrmai, óz jerimizde daiarlaý.
QR Ǵylym jáne joǵary bilim ministriniń aitýynsha, qazirgi tańda bilim salasyndaǵy basty túiitkil infraqurylymdy arttyrý bolyp tabylady. Óitkeni, el aýmaǵyndaǵy demografiialyq ósim men shet memeleketten stýdentterdiń aǵylyp kelýi dál osy máselemen betpe-bet keziktirip otyr.
Saiasat Nurbektiń aitýynsha, qazirgi tańda Qazaqstanda bilim alatyn stýdentterdiń sany 626 myńdy qurasa, 2025 jyly bur kórsetkish 800 myńǵa jetse, 2030 jylǵa qarai 1 millionnan asyp jyǵylmaq. Sondyqtanda, akademiialyq qalashyqty salý asa mańyzǵa ie.
Almaty oblysy Marat Sultanǵaziev Qonaev qalasynyń bas josparyna sáikes, arnaiy jer qarastyrylǵanyn, kóktem aiynda bas jospar bekitilgennen keiin infraqurylymǵa qatysty jumystar óz jalǵasyn tabatyndyǵyn atap ótti.
– Aldaǵy ýaqytta, ózderińiz aitqandai ekonomikalyq qolaily aimaq qurylyp, infraqurylym jolǵa qoiylady. Shet elden keletin ustazdar qaýymyn turǵyn úimen qamtý máselesinde qarasytarmyz, – dedi oblys ákimi Marat Eleýsizuly.
Jiyn barysynda ministr Saiasat Nurbek oblys biligine aimaqtaǵy tapshy mamandar tizimin berýdi tapsyryp, Almaty oblysy ákimdigimen birlese otyryp, eki jaqty jol kartasyn daiyndaýdy usyndy. Bas qujat aldaǵy bir aptanyń ishinde rásimdelýi tiis ekenin qadap aitty.
– Memleket basshysynyń tapsyrmasyna sáikes, Qonaev qalasynan akademiialyq qalashyq salý josparlanǵan. Ol úshin oblys ákimdigimen kelise otyryp 100 gektar jer bólingen. Biz keleshekte sheteldiń damyǵan ýniversitetterimen kelissóz júrgizý arqyly osy mańda JOO ashyýdy kózdeýdemiz. Jospar boiynsha, G4 City-de úlken indýstriialyq, ónerkásiptik klasster ornalaspaq. Sol úshin arnaiy mamandardy daiyndaýymyz qajet. Jańadan qalyptasyp jatqan ónidiristik aimaqqa qajetti mamandardyń tizimin jasaqtap, kadrlyq tapshylyqty aiqyndaý kerek, – dedi ministr Saiasat Nurbek.
Onyń aitýynsha, búgingi kúni injenerlik-tehnikalyq mamandardyń 70 paiyzdan astamy Almaty qalasyndaǵy ýniversitetterde daiarlanady, alaida olardyń basym bóligi dál sol shaharda qalyp qoiyp, óndiriske shyqpaidy.
Sondyqtan aldaǵy ýaqytta ýniversitetterdi óndiristermen tyǵyz bailanystyryp, dýaldy formatqa kóshirý basty nazarǵa alynbaq.
Ministr sapar barysynda oblystaǵy qos birdei kásiporynǵa atbasyn buryp, óndiris oshaqtaryndaǵy qandai mamandarǵa suranystyń artqanyn zerdeledi.
Ministr bas suqqan kásiporynnyń biri – «Mareven Fýd Tian Shan».
Zaýyt Almaty enegergetika jáne bailanys ýniversitetimen jáne de Almaty tehnikalyq joǵary oqý ornymen bailanysta. Sonyń ózinde maman tapshylyǵy máselesi túbeigi sheshimin tappaǵan. Mundaǵy jaýaptylar tehnikalyq qurylǵylarmen jumys jasaityn injenerler men tehnologtardyń qajettigin búkpesiz aitty.
Aimaqtaǵy zaýyttardaǵy kadrlyq áleýetke kóz júgirtken ministr Saiasat Nurbek, akademiialyq qalashyq salynyp, mamandar ózimizde oqytylǵanda máseleniń kúrmeýi tarqatylady dep sendirdi.
Esterińizge salamyz, Prezident Qasym-Jomart Toqaev 2025 jylǵa qarai elge shet eldik eń myqty 5 joǵary oqý ornynyń bólimderin ashýdy tapsyrǵan.
Byltyrdyń ózinde memleket basshysynyń pármeniniń sheńberinde 4 birdei ýniversitettiń filialy ashylǵan edi. Ministr myrzanyń aitýyna qaraǵanda, biylǵy jyly taǵy da 6 JOO Qazaqstanǵa keledi.
Olardyń ishinde Shotlandiianyń eń kóne tehnikalyq ýniversiteti Heriot-Watt-ta bar.
– Endigi kezekte bul bilim ordalaryn osyndai arnaiy akademiialyq qalashyqtarǵa ákelý josparlanǵan. Ministrlik pen Almaty oblysy ákimdiginiń resýrstaryn biriktirip, biz Qonaev qalasyn úlken akademiialyq utqyrlyq habyna ainaldyrýǵa jospar quryp otyrmyz, – dedi ministr Saiasat Nurbek.
