Sonymen, jýrnalist, partiia múshesi Maqsat Tolyqbai men Almaty amanattyqtary qalanyń tómengi bóliginde ornalasqan «Túrksib jármeńkesi» bazaryna baryp, shaǵyn biznes ókilderiniń usynysyn tyńdady. Olar naryqtaǵy qymbatshylyqqa narazy ekenin aitty.
«Qalanyń bári kólik keptelisi, al janarmai qymbat. Saldarynan azyq-túlik te, basqa da tutyný taýarlarynyń quny sharyqtap tur. Biz halyqqa aýyr timesin dep baǵany qymbattapai ustap otyrmyz. Biraq, baspana jaǵy qiyn bolyp tur. Eger úi alýǵa bastapqy jarnany tómendetse myna biz sekildiler úili bolyp qalar edik», - deidi «Túrksib jármeńkesi» bazarynyń saýdagerleri.
Qala turǵyndary megapolistiń infraqurylymyn damytýdyń, atap aitqanda, metro jelisin qala shekarasynan tys, oblystyń jaqyn ornalasqan qalalaryna deiin uzartýdyń, aýany jaqsartýdyń jáne joldardy jóndeýdiń problemalyq máselelerin kóterdi.
«Saýdagerlerdiń kóbi oblysta turady, kún saiyn keptelispen jolǵa 2-3 saǵatyn jumsaidy. Eger metro bizge – oblysqa deiin uzartylsa, qalaǵa qatynaý áldeqaida jyldam ári ońai bolar edi», - deidi bazar satýshylary.
Almatylyqtar úshin jataqhana máselesi de árqashan ózekti. Osylaisha, partiialyqtar qaladaǵy jataqhanalardyń birine baryp, stýdentterdiń máselelerin bilip qaitty.
«Jataqhanamyz 1937 jyly salynǵan. Ǵimarattyń tozyǵy jetken, kúrdeli jóndeý qajet. Sonymen qatar, stýdentterge arnalǵan oryndar óte az, oqý jyly bastalmai turyp osy máseleni sheshýdi suraimyz. Keńse taýarlary da qazir qymbat, bizdiń bir stipendiiamyzǵa osyndai úlken qalada turý qiyn, aqyly túrde oqyp jatqandardy da eskergen jón.
Eger stýdenttik biletti nemese «Ońai» kartochkasyn usynǵan kezde keńse taýarlaryna jeńildik bolsa, jaqsy bolar edi», - dep usyndy stýdentter.
Búgingi kezdesýdiń qorytyndysy boiynsha barlyq tilekter men usynystar aldaǵy ýaqytta partiialyqtardyń jumysyna qabyldanady.
