سونىمەن، جۋرناليست، پارتيا مۇشەسى ماقسات تولىقباي مەن الماتى اماناتتىقتارى قالانىڭ تومەنگى بولىگىندە ورنالاسقان «تۇركسىب جارمەڭكەسى» بازارىنا بارىپ، شاعىن بيزنەس وكىلدەرىنىڭ ۇسىنىسىن تىڭدادى. ولار نارىقتاعى قىمباتشىلىققا نارازى ەكەنىن ايتتى.
«قالانىڭ ءبارى كولىك كەپتەلىسى، ال جانارماي قىمبات. سالدارىنان ازىق-تۇلىك تە، باسقا دا تۇتىنۋ تاۋارلارىنىڭ قۇنى شارىقتاپ تۇر. ءبىز حالىققا اۋىر تيمەسىن دەپ باعانى قىمباتتاپاي ۇستاپ وتىرمىز. ءبىراق، باسپانا جاعى قيىن بولىپ تۇر. ەگەر ءۇي الۋعا باستاپقى جارنانى تومەندەتسە مىنا ءبىز سەكىلدىلەر ءۇيلى بولىپ قالار ەدىك»، - دەيدى «تۇركسىب جارمەڭكەسى» بازارىنىڭ ساۋداگەرلەرى.
قالا تۇرعىندارى مەگاپوليستىڭ ينفراقۇرىلىمىن دامىتۋدىڭ، اتاپ ايتقاندا، مەترو جەلىسىن قالا شەكاراسىنان تىس، وبلىستىڭ جاقىن ورنالاسقان قالالارىنا دەيىن ۇزارتۋدىڭ، اۋانى جاقسارتۋدىڭ جانە جولداردى جوندەۋدىڭ پروبلەمالىق ماسەلەلەرىن كوتەردى.
«ساۋداگەرلەردىڭ كوبى وبلىستا تۇرادى، كۇن سايىن كەپتەلىسپەن جولعا 2-3 ساعاتىن جۇمسايدى. ەگەر مەترو بىزگە – وبلىسقا دەيىن ۇزارتىلسا، قالاعا قاتىناۋ الدەقايدا جىلدام ءارى وڭاي بولار ەدى»، - دەيدى بازار ساتۋشىلارى.
الماتىلىقتار ءۇشىن جاتاقحانا ماسەلەسى دە ءارقاشان وزەكتى. وسىلايشا، پارتيالىقتار قالاداعى جاتاقحانالاردىڭ بىرىنە بارىپ، ستۋدەنتتەردىڭ ماسەلەلەرىن ءبىلىپ قايتتى.
«جاتاقحانامىز 1937 جىلى سالىنعان. عيماراتتىڭ توزىعى جەتكەن، كۇردەلى جوندەۋ قاجەت. سونىمەن قاتار، ستۋدەنتتەرگە ارنالعان ورىندار وتە از، وقۋ جىلى باستالماي تۇرىپ وسى ماسەلەنى شەشۋدى سۇرايمىز. كەڭسە تاۋارلارى دا ءقازىر قىمبات، ءبىزدىڭ ءبىر ستيپەنديامىزعا وسىنداي ۇلكەن قالادا تۇرۋ قيىن، اقىلى تۇردە وقىپ جاتقانداردى دا ەسكەرگەن ءجون.
ەگەر ستۋدەنتتىك بيلەتتى نەمەسە «وڭاي» كارتوچكاسىن ۇسىنعان كەزدە كەڭسە تاۋارلارىنا جەڭىلدىك بولسا، جاقسى بولار ەدى»، - دەپ ۇسىندى ستۋدەنتتەر.
بۇگىنگى كەزدەسۋدىڭ قورىتىندىسى بويىنشا بارلىق تىلەكتەر مەن ۇسىنىستار الداعى ۋاقىتتا پارتيالىقتاردىڭ جۇمىسىنا قابىلدانادى.
