QazUÝ qazaqstandyq JOO-lar reitinginde kósh bastap tur
Ál-Farabi atyndaǵy Qazaq ulttyq ýniversiteti elimizdegi ulttyq joǵary oqý oryndary arasyndaǵy kóshbasshylyǵyn kezekti ret aiqyndai tústi. Observatory on Academic Ranking and Excellence (IREG) akkredittelgen táýelsiz akkreditteý jáne reiting agenttigi (IAAR) ótkizetin Qazaqstannyń suranysqa ie joǵary oqý oryndarynyń 2023 jylǵy reitingi nátijesinde QazUÝ eń kóp ball jinaǵan ýniversitet bolyp tanyldy.
IAAR reitinginde ótken jylmen salystyrǵanda birlesken bilim berý baǵdarlamalary sanynyń 22%-ǵa óskeni baiqalady. «Akademiialyq utqyrlyq» indikatory boiynsha bul kórsetkish 15%-ǵa artqan.
Kóshbasshylar úshtigin Ál-Farabi atyndaǵy Qazaq ulttyq ýniversiteti bastap tur (375 132 upai). Odan keiingi oryndarda L.N.Gýmilev atyndaǵy Eýraziia ulttyq ýniversiteti (256 734 upai) men S.Seifýllin atyndaǵy Qazaq agrotehnikalyq ýniversiteti (135 122 upai).
Bilim berý baǵdarlamalarynyń sandyq reitingi 1600-den astam bilim berý baǵdarlamalarynyń jáne QR joǵary oqý oryndarynyń bas reitingin qalyptastyrýǵa múmkindik beredi. Osy ulttyq reitingke qatysý bilim berý qyzmetteriniń básekege qabilettiliginiń ósýine yqpal etedi. Bilim berý sapasynyń naryq talaptaryna sáikestik dárejesi, oqytýshylardyń tanylýy jáne JOO-nyń ǵylymi-zertteý qyzmetiniń nátijeliligi týraly jurtshylyqty habardar etedi.
«Qazaqstan Respýblikasy JOO suranysynyń táýelsiz reitingi – 2023» týraly tolyq aqparatty «Education Quality Assurance» jýrnalynan jáne https://iaar.agency/rating/1/0/2023 veb-saitynan tabýǵa bolady.
Ál-Farabi atyndaǵy QazUÝ-dyń Baspasóz qyzmeti
