Kommýnaldyq arendalyq turǵyn úilerdiń qurylys jumystary 2018-2020 jyldary aralyǵynda júrgizilip, aiaqtalǵan.
Biyl jyl basynda Túrkistan oblysynyń ákimi Darhan Satybaldynyń tapsyrmasymen bul úilerge arnalǵan avtonomiialyq káriz júiesin júrgizý úshin oblystyq biýdjetten tiisti qarajat bólinip, qurylys jumystary júrgizildi.
Qazirgi tańda tolyq infraqurylym máseleleri sheshimin taýyp, baspanaǵa kezekte turǵan muqtaj azamattar men kópbalaly otbasylarǵa 585 páterdiń kiltin tabystaý bastalyp ketti
- «Nurly jer» turǵyn úi baǵdarlamasyna sáikes, páterler sanattar boiynsha úlestirilip jatyr. Olar: Uly Otan soǵysynyń ardageri – 1, jetim balalar, ata-anasynyń qamqorlyǵynsyz qalǵan balalarǵa – 117, kópbalaly otbasylarǵa – 211, halyqtyń áleýmettik jaǵynan álsiz toptaryna – 256 páter, - dedi aýdan ákiminiń orynbasary B.Polatov.
Baspanalardyń kilti 1 maýsymnan bastap tabystalyp jatyr. Páterler tolyq berilip bolǵan soń úi ielerimen kelisim-shart túzilip, tiisti qujattar rásimdeletin bolady.
