«Aýyldyq jerlerdi turaqty damytýdy qamtamasyz etý úshin Qazaqstannyń ońtústik óńirlerinde shóleittený protsesteriniń aldyn alýda tabiǵi-aýylsharýashylyq júielerin (TAJ) ornyqty basqarýdy ǵylymi-qoldanbaly negizdeý» baǵdarlamasy boiynsha ǵylymi-zertteý jumystarynyń sheńberinde Ál-Farabi atyndaǵy QazUÝ ǵalymdary eginshilik pen jaiylymdy paidalanýdyń tabiǵi eginshilik júieleriniń jai-kúiine dalalyq zertteýler júrgizdi.
Dalalyq ekspeditsiiaǵa qatysýshylar: Geografiia, jerge ornalastyrý jáne kadastr, Kartografiia jáne geoinformatika, Bioalýantúrlilik jáne biologiialyq resýrstar kafedralarynyń professorlyq-oqytýshylyq quramy, sonymen qatar Ǵaryshtyq tehnologiialar jáne Jerdi qashyqtyqtan zondtaý ortalyǵynyń qyzmetkerleri.
Negizgi baǵyttardaǵy shóleittený protsesteriniń damýyn baqylaý baǵdarlamasyna klimattyń ózgerýimen kúresýge baǵyttalǵan Turaqty damýdyń 13-shi maqsaty jáne jerdegi ekojúielerdi saqtaýǵa baǵyttalǵan Turaqty damýdyń 15-shi maqsaty engizildi.
Ekspeditsiianyń negizgi mindetteri aýyl sharýashylyǵy jáne jaiylymdyq jerlerdi paidalanýdyń qazirgi jaǵdaiyn zerdeleý, shóleittený protsesterine yqpal etetin negizgi faktorlardy anyqtaý, sondai-aq aýmaqtardy turaqty basqarý boiynsha ǵylymi-qoldanbaly usynystar ázirleý boldy.
Aýyl sharýashylyǵy men jaiylymdy paidalaný úshin tabiǵi jáne antropogendik TAJ keshenderin qamtityn barlyǵy 96 negizgi baqylaý núktelerine sholý júrgizildi.
Dalalyq jumystardy júrgizý barysynda barlyq josparlanǵan núkteler qaraldy. Barlyq baqylaý núktelerinde topyraq keskinderi arqyly sipattaý júrgizildi, topyraq úlgileri jinaqtaldy, ushqyshsyz apparatty qoldaný arqyly TAJ sipattamasy jáne ósimdik jamylǵysynyń sipattamasy jasaldy. Keibir baqylaý núktelerinde tabiǵi jáne jasandy (karerler) taý jynystary zertteldi jáne sipattaldy.
Jerdi qashyqtyqtan zondtaý derekterimen salystyrý úshin baqylaý núktelerinde jetekshi fizikalyq-geografiialyq jáne geomorfologiialyq protsesterge dalalyq taldaý júrgizildi. Aldyn ala dalalyq derekter ishinara óńdeldi jáne odan ári ústel ústili zertteýleri úshin málimetter bazasy jasaldy.
Dalalyq zertteý kezeńinde topyraq úlgileri alynyp, baqylaý núktelerinen beine- jáne fotomaterialdar jasaldy.
Ál-Farabi atyndaǵy QazUÝ-dyń Baspasóz qyzmeti
