2 qarasha kúni Nursultan Nazarbaev halyqaralyq áýejaiynda Astana – Belgrad jańa tikelei áýe reisiniń saltanatty ashylý rásimi ótti. Bul reis Qazaqstan men Serbiiany turaqty áýe qatynasy arqyly bailanystyrdy. Ushýlardy SCAT Airlines aptasyna eki ret zamanaýi árijaily Boeing 737 ushaǵymen oryndaidy, dep habarlaidy Dalanews.kz.
Bul baǵyttyń ashylýy - Qazaqstan Respýblikasy Prezidenti Qasym-Jomart Toqaev pen Serbiia Respýblikasy Prezidenti Aleksandr Výchich arasyndaǵy 2024 jylǵy qarasha aiynda qol jetkizilgen kelisimderdiń nátijesi.
Jobany iske asyrý Qazaqstan Respýblikasynyń Kólik ministrliginiń qoldaýymen júzege asyryldy.
Saltanatty rásimge qatysqandar:
• Qazaqstan Respýblikasynyń kólik vitse-ministri – Talǵat Lastaev;
• SCAT aviakompaniiasynyń prezidenti – Vladimir Denisov;
• Serbiia Respýblikasynyń Qazaqstan Respýblikasyndaǵy Tótenshe jáne Ókiletti Elshisi – Vladimir Iovchich;
• «Nursultan Nazarbaev halyqaralyq áýejaiy» AQ basqarma tóraǵasy – Iýsýf Áljavder.
Rásim barysynda Qazaqstan Respýblikasynyń kólik vitse-ministri Talǵat Lastaev sóz sóiledi.
"Bul oqiǵa – Memleket basshysynyń kólik-logistikalyq júieni damytý jáne elimizdiń halyqaralyq yntymaqtastyǵyn nyǵaitý jónindegi bastamalaryn dáiekti túrde iske asyrýdyń bir bóligi.
Astana men Belgrad arasyndaǵy tikelei áýe reisiniń ashylýy – Qazaqstan men Serbiia arasyndaǵy seriktestikti nyǵaitýdaǵy mańyzdy qadam, ol iskerlik jáne týristik bailanystar úshin jańa múmkindikter ashady.
Kólik infraqurylymy men halyqaralyq yntymaqtastyqty damytý Qazaqstannyń Ortalyq Aziia men Eýropany bailanystyratyn áýe haby retindegi rólin kúsheitedi. Astana – Belgrad baǵytynyń ashylýy osynyń aiqyn dáleli", - dep atap ótti ol.
SCAT Airlines prezidenti Vladimir Denisov te jańa baǵytqa qatysty sóz qozǵady.
"Astana – Belgrad baǵytynyń ashylýy – Qazaqstan men Serbiia arasyndaǵy seriktestikti nyǵaitýdyń simvoly ári bizdiń aviakompaniiamyzdyń marshrýttyq jelisin damytýdyń mańyzdy kezeńi.
Bul baǵyt 2025 jyly SCAT Airlines ashqan on birinshi jańa halyqaralyq reis bolyp otyr. Biz ushý geografiiasyn keńeitip, Qazaqstannyń álemdik kólik kartasyndaǵy ornynnyǵaityp otyrǵanymyzdy maqtan tutamyz. Jańa reis bizdiń elder arasyndaǵy saparlardy tek yńǵaily ári qoljetimdi etip qana qoimai, sonymen qatarjol ýaqytyn edáýir qysqartady. Ol jolaýshylarǵaBalqan, Eýropa jáne Ortalyq Aziiaǵa tikelei jol ashady. Iskerlik orta úshin – bul jańa yntymaqtastyq múmkindikteri, týrister úshin – jańa baǵyttar men mádenietterdi taný, al bizdiń elderimiz úshin – halyqaralyq dialog pen ózara túsinistikti damytýǵa naqtyúles. SCAT Airlines zamanaýi, qaýipsiz jáne turaqty áýe jelisindamytý baǵytyn jalǵastyryp, qalalar men adamdardy, ideialar men múmkindikterdi bailanystyrady", - dedi ol.
2025 jyl SCAT Airlines tarihyndaǵy eń qarqyndy jyldardyń biri boldy.
Osy jyly ǵana aviakompaniia Qytai, Ońtústik Koreia, Tailand, Mysyr jáne Eýropalyq Odaq elderine onnan astam jańa halyqaralyq baǵyt ashty.
Marshrýttyq jelini keńeitý ushaq parkin jańartýmen jáne Boeing korporatsiiasymen yntymaqtastyqty nyǵaitýmen qatar júrýde, bul borttaǵy jailylyq pen qaýipsizdiktiń joǵary deńgeiin qamtamasyz etedi.
Serbiia – Balqan júregi, bai mádenietimen, ásem tabiǵatymen jáne qonaqjai halqymen tanymal el.
Jańa tikelei reis qazaqstandyq jolaýshylarǵa Eýropany ózgeshe qyrynan tanýǵa múmkindik beredi: Belgradtyń erekshe atmosferasyn, kóne qamaldaryn, jaily kóshelerinjáne shyǵys jomarttyǵy men eýropalyq talǵam úilesken balqan ashanasyn sezinýge jol ashady.
Al eýropalyq jolaýshylar úshin bul baǵyt – zamanaýi, serpindi damyp kele jatqan jáne barǵan saiyn tartymdybolyp kele jatqan Ortalyq Aziianyń júregi – Qazaqstandy ashýdyń yńǵaily tásili.
SCAT Airlines qurlyqtardy, elderdi jáne adamdardybailanystyryp, jańa sapar kókjiekterin asha beredi!
SCAT Airlines bortynda sizdi asyǵa kútemiz!
