Ál-Farabi atyndaǵy QazUÝ-da IV halyqaralyq Farabi forýmynyń jabylý saltanaty ótip, jyl saiynǵy aýqymdy is-sharanyń qorytyndysy shyǵaryldy.
Is-shara stýdentterdiń úzdik innovatsiialyq jobalarynyń kórmesinen bastaldy. Onda talantty jas ǵalymdardyń ǵylymnyń ártúrli salasyndaǵy úzdik jumystary qoiyldy. Atap aitsaq: «Tótenshe jaǵdailarǵa arnalǵan ushqyshsyz ushý apparattaryndaǵy symsyz mesh jelileri», «Elektr qozǵaltqyshtaryn basqarý úshin jiilik túrlendirgishin ázirleý jáne qurastyrý», «Otandyq ósimdik shikizatynan antioksidanttyq qasietteri bar kremdi ázirleý», «Psihoemotsionaldyq jaǵdaidy invazivti emes túzetýge jáne kognitivtik fýnktsiialardy jaqsartýǵa arnalǵan neitrotreningter» jáne basqa jobalar.
Saltanatty jiyndy Ál-Farabi atyndaǵy QazUÝ-dyń Basqarma Tóraǵasy – Rektor Janseiit Túimebaev ashyp, qatysýshylardy Ǵylym qyzmetkerleri kúnimen quttyqtady. Rektor Farabi forýmy jas ǵalymdardy yntalandyrýǵa jáne jańa startaptardy qoldaýǵa baǵyttalǵanyn aityp, QazUÝ-dyń zertteý ýniversiteti mártebesin alǵannan beri bilim men ǵylym integratsiiasy boiynsha belsendi jumys júrgizip jatqanyn atap ótti.
«Memlekettik qoldaýdyń arqasynda ýniversitet ǵylymy damyp, jańa jobalarǵa qarjylai granttar bólinýde. Jas ǵalymdar el Prezidentiniń qamqorlyǵyn erekshe sezinedi. Ótken jyldan beri QazUÝ-dyń 14 jas ǵalymy Qasym-Jomart Toqaevtyń atynan páter kiltin alyp, baspanaǵa qol jetkizdi.
2021 jyly 62 oqytýshy-professor, 8 ǵylymi qyzmetker, 226 magistrant, 77 doktorant halyqaralyq utqyrlyq baǵdarlamasymen shetelderde bilimi men biligin jetildirip qaitty. Al 2024 jyly bul múmkindikti 707 oqytýshy-professor, 106 ǵylymi qyzmetker, 345 magistrant, 337 doktorant paidalandy.
Byltyr qazaqstandyq ǵalymdar Scopus derekqorynda indeksteletin jýrnaldarda 9410 ǵylymi eńbek jariialady. Onyń 1589 jariialanymy Ál-Farabi atyndaǵy QazUÝ ǵalymdaryna tiesili. Iaǵni ýniversitet ǵalymdarynyń úlesi qazaqstandyq jariialanymdardyń jalpy sanynyń 16,8 paiyzyn qurady.
2024 jyly oqý ornynyń ǵalymdary 402 ǵylymi-zertteý jobasyn júzege asyrdy.
2021 jyly ýniversitet ǵalymdary jalpy somasy 2 782,1 mlrd teńgeni quraityn ǵylymi jobalardy jeńip aldy.
2024 jyly bul kórsetkish 13 mlrd teńgege ósti, nátijesinde 252,53 mln teńge kóleminde kiris tústi.
Bir jyldyń ishinde 30-ǵa jýyq zerthana ashylyp, ǵalymdar igiligine berildi», – dedi rektor.
Forým aiasynda túrli konferentsiialar, dóńgelek ústelder, stýdenttik biznes-inkýbatorlar, innovatsiialyq jobalar baiqaýy jáne «QazUÝ-dyń úzdik jas ǵalymy» konkýrsy uiymdastyryldy.
Jas ǵalym, Jasandy intellekt jáne BigData kafedrasy meńgerýshisiniń orynbasary Talshyn Sársenbaeva jas ǵalymdarǵa qoldaý kórsetkeni úshin ýniversitet basshylyǵyna alǵys bildirip, «Farabi forýmy bizdiń ýniversitettiń dástúrine ainalǵan igi is. Forým aiasynda jas zertteýshiler ǵylymi izdeniske jáne eldiń igiligi men órkendeýi úshin jumys isteýge umtylady», – dedi.
Is-shara QazUÝ-dyń oqytýshy-professorlary men ǵylymi qyzmetkerlerin, «QazUÝ-dyń úzdik jas ǵalymy» baiqaýynyń jeńimpazdaryn, «Farabi álemi» stýdentter men jas ǵalymdardyń halyqaralyq ǵylymi konferentsiiasynyń júldeli oryndarynyń iegerlerin jáne úzdik stýdenttik innovatsiialyq jobalar baiqaýynyń júldegerlerin marapattaý rásimimen jalǵasty.
Baiqaý jeńimpazdary sertifikattar men aqshalai syilyqtarǵa ie boldy. Forýmnyń jalpy júlde qory 5 mln teńgeni qurady.
