Qyrǵyzstan SIM Máskeýdegi jappai ustalǵandar úshin Resei elshisin shaqyrtty, dep habarlaidy Dalanews.kz.
Máskeýdegi monsha kesheninde kúsh qoldanylyp, ondaǵan qyrǵyz azamaty ustalǵan. 2025 jylǵy 11 sáýirde Máskeý qalasyndaǵy «Bodrost» monsha kesheninde Qyrǵyzstan azamattaryn jappai ustaýǵa bailanysty, 14 sáýirde Qyrǵyz Respýblikasy Syrtqy ister ministriniń orynbasary Almaz Imangaziev Resei Federatsiiasynyń Qyrǵyzstandaǵy Tótenshe jáne Ókiletti elshisi Sergei Vakýnovpen kezdesý ótkizd.
Qyrǵyz tarapy resmi nota tapsyrdyKezdesý barysynda qyrǵyz tarapy reseilik tarapqa resmi nota tapsyryp, tómendegidei talaptar qoidy:
Ustalǵan azamattarǵa qatysty quqyq qorǵaý organdary júrgizgen operatsiianyń sebepterin túsindirý;
Qajetsiz kúsh qoldanylǵan bolsa, jaýapty politsiia qyzmetkerlerine shara qoldaný;
Qyrǵyzstan azamattarynyń quqyqtaryn qorǵaýǵa baǵyttalǵan tiisti áreketter jasaý.
Sondai-aq, mundai oqiǵalar Qyrǵyzstan men Resei arasyndaǵy odaqtastyq jáne strategiialyq áriptestik qatynastarǵa keri áser etýi múmkin ekeni aitylyp, aldaǵy ýaqytta mundai jaǵdailardyń qaitalanýyna jol bermeý jóninde ótinish bildirildi.
Ne bolǵan edi?
Eske sala keteiik, 10 sáýir kúni Máskeýdegi «Bodrost» monshasynda Qyrǵyzstan týmalary men azamattary jappai ustalǵan. Kýágerlerdiń aitýynsha, bul shara barysynda kúsh qoldanylǵan.Qyrǵyz biligi bul oqiǵany azamattardyń quqyǵy buzylǵan áreket retinde baǵalap, tiisti túsinikteme talap etip otyr.
