AQSh prezidenti Donald Tramp 20 qyrkúiekte Ýkraina prezidenti Vladimir Zelenskiimen telefon arqyly sóilesý barysynda Reseidiń munai óńdeý zaýyttaryna jasalatyn shabýyldardy toqtatýǵa birneshe ret shaqyrǵan. Bul týraly Axios basylymy derekkózge silteme jasap habarlady, dep habarlaidy dalanews.kz.
Basylymnyń suhbattasýshysy áńgime barysynda «dizel» sózi birneshe ret atalǵanyn aitty. Onyń sózinshe, mundai soqqylar álemdik naryqta dizel otyny baǵasynyń qymbattaýyna áser etip otyr.
Axios málimetinshe, Tramp reseilik munai infraqurylymyna jasalatyn shabýyldardyń saldary janarmai naryǵyna áser etýi múmkin ekenin atap ótken.
Al Amerikalyq avtomobil qaýymdastyǵynyń (AAA) deregine sáikes, 20 qyrkúiekte AQSh-ta dizel otynynyń baǵasy tarihi eń joǵary deńgeige jetip, bir gallony 6,49 dollar bolǵan. Sońǵy bir jylda dizel quny shamamen eki esege ósken.
