Premer-ministr Oljas Bektenov Kólik ministrligi men óńir ákimdikterine Qazaqstandaǵy joldardyń sapasyn baqylaýdy kúsheitýdi tapsyrdy. Bul másele Memleket basshysy Qasym-Jomart Toqaevtyń "Taza Qazaqstan" aktsiiasy kezinde aitqan synynan keiin Úkimette qaraldy, dep habarlaidy dalanews.kz.
Buǵan deiin Prezident qala ishindegi jáne eldi mekenderden tys avtomobil joldarynyń sapasyna erekshe nazar aýdarý keregin aitqan. Toqaev jol máselesin eldiń "osal tustarynyń biri" dep atap, bul problemanyń uzaq ýaqyt sheshilmeýin synǵa alǵan.
Úkimettegi keńeste Kólik ministri Nurlan Saýranbaev jol infraqurylymynyń qazirgi jaǵdaiy týraly baiandady. Ministrlik málimetinshe, respýblikalyq mańyzy bar joldardyń 94 paiyzy, oblystyq jáne aýdandyq joldardyń 91 paiyzy belgilengen talaptarǵa sai keledi. Eldi mekenderdegi kósheler boiynsha bul kórsetkish 71 paiyzdy quraidy.
Sonymen qatar joldardyń jaǵdaiyna bailanysty kelip túsetin ótinishterdiń shamamen 58 paiyzy jergilikti joldarǵa qatysty. Onyń ishinde barlyq shaǵymnyń 47 paiyzy eldi meken kósheleriniń jaǵdaiyna bailanysty túsken.
Úkimet jol qurylysynyń sapasyn arttyrý úshin qoldanylatyn materialdardyń biryńǵai bazasy qurylǵanyn, bitým paidalaný tásilderi qaita qaralǵanyn jáne qurylys kezinde bes satyly sapa baqylaýy engizilgenin habarlady. Merdigerlerdiń jaýapkershiligin kúsheitý de kózdelip otyr.
Oljas Bektenov Kólik ministrligi men ákimdikterge jol jobalarynyń júzege asyrylýyn qatań baqylaýǵa, turǵyndardyń ótinishterine jedel jaýap berýge jáne qurylys pen jóndeý merzimderiniń buzylýyna jol bermeýge tapsyrma berdi. Bul baǵyttaǵy jumystardyń oryndalýyn birinshi vitse-premer Nurlybek Nálibaev qadaǵalaidy.
