پرەمەر-مينيستر ولجاس بەكتەنوۆ كٶلٸك مينيسترلٸگٸ مەن ٶڭٸر ەكٸمدٸكتەرٸنە قازاقستانداعى جولداردىڭ ساپاسىن باقىلاۋدى كٷشەيتۋدٸ تاپسىردى. بۇل مەسەلە مەملەكەت باسشىسى قاسىم-جومارت توقاەۆتىڭ "تازا قازاقستان" اكتسيياسى كەزٸندە ايتقان سىنىنان كەيٸن ٷكٸمەتتە قارالدى, دەپ حابارلايدى dalanews.kz.
بۇعان دەيٸن پرەزيدەنت قالا ٸشٸندەگٸ جەنە ەلدٸ مەكەندەردەن تىس اۆتوموبيل جولدارىنىڭ ساپاسىنا ەرەكشە نازار اۋدارۋ كەرەگٸن ايتقان. توقاەۆ جول مەسەلەسٸن ەلدٸڭ "وسال تۇستارىنىڭ بٸرٸ" دەپ اتاپ, بۇل پروبلەمانىڭ ۇزاق ۋاقىت شەشٸلمەۋٸن سىنعا العان.
ٷكٸمەتتەگٸ كەڭەستە كٶلٸك مينيسترٸ نۇرلان ساۋرانباەۆ جول ينفراقۇرىلىمىنىڭ قازٸرگٸ جاعدايى تۋرالى باياندادى. مينيسترلٸك مەلٸمەتٸنشە, رەسپۋبليكالىق ماڭىزى بار جولداردىڭ 94 پايىزى, وبلىستىق جەنە اۋداندىق جولداردىڭ 91 پايىزى بەلگٸلەنگەن تالاپتارعا ساي كەلەدٸ. ەلدٸ مەكەندەردەگٸ كٶشەلەر بويىنشا بۇل كٶرسەتكٸش 71 پايىزدى قۇرايدى.
سونىمەن قاتار جولداردىڭ جاعدايىنا بايلانىستى كەلٸپ تٷسەتٸن ٶتٸنٸشتەردٸڭ شامامەن 58 پايىزى جەرگٸلٸكتٸ جولدارعا قاتىستى. ونىڭ ٸشٸندە بارلىق شاعىمنىڭ 47 پايىزى ەلدٸ مەكەن كٶشەلەرٸنٸڭ جاعدايىنا بايلانىستى تٷسكەن.
ٷكٸمەت جول قۇرىلىسىنىڭ ساپاسىن ارتتىرۋ ٷشٸن قولدانىلاتىن ماتەريالداردىڭ بٸرىڭعاي بازاسى قۇرىلعانىن, بيتۋم پايدالانۋ تەسٸلدەرٸ قايتا قارالعانىن جەنە قۇرىلىس كەزٸندە بەس ساتىلى ساپا باقىلاۋى ەنگٸزٸلگەنٸن حابارلادى. مەردٸگەرلەردٸڭ جاۋاپكەرشٸلٸگٸن كٷشەيتۋ دە كٶزدەلٸپ وتىر.
ولجاس بەكتەنوۆ كٶلٸك مينيسترلٸگٸ مەن ەكٸمدٸكتەرگە جول جوبالارىنىڭ جٷزەگە اسىرىلۋىن قاتاڭ باقىلاۋعا, تۇرعىنداردىڭ ٶتٸنٸشتەرٸنە جەدەل جاۋاپ بەرۋگە جەنە قۇرىلىس پەن جٶندەۋ مەرزٸمدەرٸنٸڭ بۇزىلۋىنا جول بەرمەۋگە تاپسىرما بەردٸ. بۇل باعىتتاعى جۇمىستاردىڭ ورىندالۋىن بٸرٸنشٸ ۆيتسە-پرەمەر نۇرلىبەك نەلٸباەۆ قاداعالايدى.
