Sharaǵa Neapol L’Oriental ýniversitetiniń rektory Roberto Tottoli bastaǵan delegatsiia, Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev, elimizdegi ǵylymi jáne saraptamalyq qoǵamdastyǵynyń ókilderi, Italiia, Frantsiia, Shveitsariia, Ulybritaniia elderinen kelgen ǵalymdar, sheteldik elshilikterdiń jáne halyqaralyq uiymdardyń ókilderi qatysty.
Simpoziýmnyń ashylýynda qatysýshylardy qarsy ala otyryp, rektor Janseiit Túimebaev jahandaný jaǵdaiynda memleketterdiń ulttyq múddeleri men joǵary bilim boiynsha halyqaralyq deńgeide ilgeriletý jónindegi jumystar ózekti bolyp otyrǵanyn atap ótti. Birinshi kezekte ýniversitetti internatsionaldandyrý mindetterine mynalar jatady: sheteldik stýdentterdiń sanyn arttyrý, stýdentterdiń, ǵylymi jáne oqytýshy-professorlar quramynyń akademiialyq utqyrlyǵyn damytý, strategiialyq áriptestik arqyly akademiialyq yntymaqtastyqty nyǵaitý, bilim berý baǵdarlamalary men ǵylymi zertteýlerdi ilgerletý.
Búginge deiin Ál-Farabi atyndaǵy QazUÝ Italiianyń 12 joǵary oqý ornymen bailanys ornatqan. Kelisim aiasynda bilim alýshy jastar Rim La Sapientsa ýniversiteti, Salento ýniversiteti, Piza ýniversiteti, Neapol L'Oriental ýniversiteti, Kataniia ýniversiteti jáne t.b. joǵary oqý oryndarynda taǵylymdamadan ótýde. Sondai-aq, QazUÝ Neapol L'Oriental ýniversitetimen yntymaqtastyq ornatyp, Aziia men Afrikanyń lingvistikalyq, ádebi, tarihi, dini erekshelikteri boiynsha ǵylymi jobalar men izdenister iske asyrylyp jatqany atap ótildi.
«Bizdiń maqsatymyz – bilim jáne ǵylym salasyndaǵy kópvektorly yntymaqtastyqty birge damytý jáne nyǵaitý. Búgingi ótip jatqan simpoziým barlyq salalar boiynsha seriktestikti odan ári ilgerletýge jańa serpin beredi dep senemin», - dedi Janseiit Túimebaev.
Sonymen qatar kelissóz barysynda qos ýniversitet basshysy halyqaralyq qatynas, filologiia, filosofiia jáne saiasattaný, tarih siiaqty fakýltetterdiń basyn qosatyn QazUÝ bazasynda Neapol L’Oriental ýniversitetimen birlesken ǵylymi-zertteý ortalyǵyn ashýǵa ýaǵdalasty.
Óz sózinde rektor: «QazUÝ-dyń gýmanitarlyq fakýltetteri úshin bul zertteý ortalyǵy qos ýniversitettiń ǵylymi áleýetin keńeitýge tamasha múmkindik beredi», - dep atap ótti.
Ári qarai Neapol L’Oriental ýniversitetiniń rektory Roberto Totolli sóz alyp, QazUÝ rektory men simpoziým qatysýshylarynyń qoldaýy men yntymaqtastyqty jandandyrýǵa bergen mol múmkindigi úshin alǵys bildirdi.
R.Totali gýmanitarlyq ǵylymdarmen ainalysatyn ýniversitetke seriktes tabý qiynǵa soǵatynyn atap ótti. «Bizdiń tarihymyz XVII ǵasyrdan bastaý alady, biraq biz bolashaq týraly oilanýymyz qajet. Biz Italiiada bilim berý baǵdarlamalaryn qaita bastalýyna úmit artamyz jáne QazUÝ-men qarym-qatynasty damytýǵa niettimiz. Sondai-aq, Ortalyq Aziiany óńirlik zertteýde Qazaqstan sheshýshi ról atqaratyndyǵyn bilemiz, ári QazUÝ ýniversitetimen qarym-qatynasty damytý mańyzdy másele. Ekijaqty yntymaqtastyq odan ári damytý úshin, bizdiń kóptegen múmkindikterimiz bar, oǵan bizdiń búgingi simpoziýmǵa qatysýymyz da septigin tigizedi dep úmittenemiz. Bul qarym-qatynas pen ekijaqty almasýdy órbitý jolyndaǵy alǵashqy qadamdardyń biri dep senemin» - dedi Neapol L’Oriental ýniversiteti rektory Roberto Totolli.
Simpoziým jumysy barysynda ǵalymdar Ál-Farabi atyndaǵy QazUÝ men Neapol L’Oriental ýniversiteti arasyndaǵy (Italiia) halyqaralyq yntymaqtastyq baǵyttaryn, syrtqy saiasat pen diplomatiianyń ózekti saýaldaryn, kóp mádenietti keńistiktegi lingvistika, filologiia, ádebiettaný jáne aýdarma máselelerin talqyǵa saldy.
Plenarlyq otyrysta pikir almasý ótti jáne qarar qabyldandy.
Simpoziýmdy Ál-Farabi atyndaǵy QazUÝ-dyń halyqaralyq qatynastar fakýlteti uiymdastyrdy.
