Byltyr Almaty halqynyń záre-qutyn qashyrǵan jer silkinisi erte habarlanbady. Bul jaitqa kináliler jazalandy, dep habarlaidy Dalanews.kz.
2024 jylǵy 23 qańtarda Almatyda jer silkinisi boldy. Dese de buryn satyp alynǵan, avtomattandyrylǵan aldyn ala eskertý júiesi (AAEJ) jumys istemei, saldarynan halyqqa ýaqtyly habarlanbady.
"Memleket basshysynyń jáne Bas prokýrordyń tapsyrmasyna sáikes Almaty prokýratýrasy Almaty qalasy boiynsha Tótenshe jaǵdailar departamentiniń qyzmetindegi osy júieni satyp alýdyń zańdylyǵyna tekseris júrgizdi. Tekseris nátijesinde biýdjet qarajatyn jymqyrý belgileri anyqtalyp, sotaldy tergep-tekserý bastaldy", - dep jazylǵan habarlamada.
Tergeý barysynda TNS-INTEC JShS bas direktory jeke paida tabý nietimen sapasyz jabdyq jetkizip, oryndalǵan jumystarǵa jalǵan akt rásimdegeni, osylaisha asa iri mólsherde biýdjet qarajatyn jymqyrǵany anyqtalǵan.
Almaty garnizonynyń áskeri soty osy is boiynsha úkim shyǵardy.
Almaty qalasy Tótenshe jaǵdailar departamenti basshysynyń úsh orynbasary jabdyqty qabyldaý kezinde nemqurailyq tanytqany úshin, al avtorlyq jáne tehnikalyq qadaǵalaý ókilderi jetkizilgen jabdyqtyń sapasyna baqylaý júrgizbegeni úshin qylmystyq jaýapkershilikke tartyldy. Sot aiyptalýshylardy kináli dep tanyp, olardy bas bostandyǵynan jáne memlekettik ári kvazimemlekettik organdarda belgili bir laýazym atqarý quqyǵynan aiyrdy.
