Joǵary qysymdaǵy №4, №5, №6 qazandyqtardy kúrdeli jóndeý táýliktik rejimde jalǵasýda. Ol jumystar bekitilgen kestege sáikes qarashanyń 15-ne deiin tolyq aiaqtalýǵa tiis.
Jóndeý jumystarymen birneshe aýysymda 400-den astam eńbekker ainalysyp jatyr.
Búgingi tańda, iaǵni 5 qazanda Ridder jylý-elektr ortalyǵynda kúrdeli jóndeýden ótken orta qysymdaǵy №1 jáne №3 qazandyqtar qalypty jumys istep tur.
Qazir №3 qazandyq qalaǵa ystyq sý, al áleýmettik mekemelerge jylý berýde. Jaqyn arada №1 qazandyq agregatynyń qýaty nominaldy kórsetkishterge jetkennen keiin qalanyń turǵyn úileri men mekemelerine, óndiristik kásiporyndarǵa jylý berý bastalady.
Osylaisha, jylý-elektr ortalyǵyndaǵy barlyq alty apatty qazandyq tolyqtai jóndeýden ótip, tehnologiialyq tizbek qaita qalpyna keltirilmek.
Ótken jylytý maýsymynda Ridder jylý-elektr ortalyǵynda 84 apatty óshirý bolǵany belgili. Kúrdeli jóndeýden keiin aldaǵy jylý berý maýsymy shtattyq rejide ótýge tiis dep sendirip otyr sala mamandary.
