جوعارى قىسىمداعى №4، №5، №6 قازاندىقتاردى كۇردەلى جوندەۋ تاۋلىكتىك رەجيمدە جالعاسۋدا. ول جۇمىستار بەكىتىلگەن كەستەگە سايكەس قاراشانىڭ 15-نە دەيىن تولىق اياقتالۋعا ءتيىس.
جوندەۋ جۇمىستارىمەن بىرنەشە اۋىسىمدا 400-دەن استام ەڭبەككەر اينالىسىپ جاتىر.
بۇگىنگى تاڭدا، ياعني 5 قازاندا ريددەر جىلۋ-ەلەكتر ورتالىعىندا كۇردەلى جوندەۋدەن وتكەن ورتا قىسىمداعى №1 جانە №3 قازاندىقتار قالىپتى جۇمىس ىستەپ تۇر.
ءقازىر №3 قازاندىق قالاعا ىستىق سۋ، ال الەۋمەتتىك مەكەمەلەرگە جىلۋ بەرۋدە. جاقىن ارادا №1 قازاندىق اگرەگاتىنىڭ قۋاتى نومينالدى كورسەتكىشتەرگە جەتكەننەن كەيىن قالانىڭ تۇرعىن ۇيلەرى مەن مەكەمەلەرىنە، وندىرىستىك كاسىپورىندارعا جىلۋ بەرۋ باستالادى.
وسىلايشا، جىلۋ-ەلەكتر ورتالىعىنداعى بارلىق التى اپاتتى قازاندىق تولىقتاي جوندەۋدەن ءوتىپ، تەحنولوگيالىق تىزبەك قايتا قالپىنا كەلتىرىلمەك.
وتكەن جىلىتۋ ماۋسىمىندا ريددەر جىلۋ-ەلەكتر ورتالىعىندا 84 اپاتتى ءوشىرۋ بولعانى بەلگىلى. كۇردەلى جوندەۋدەن كەيىن الداعى جىلۋ بەرۋ ماۋسىمى شتاتتىق رەجيدە وتۋگە ءتيىس دەپ سەندىرىپ وتىر سالا ماماندارى.
