Pandemiia órship turǵan 2020 jyly Erhat Esqaliev «SK-Farmatsiia» kompaniiasynyń tizginin ustaǵanda biraz adam oǵan úmit qarady. Biraq halyqtyń úmiti aqtalmaǵan syńaily...
Ókinishke orai, elimizdiń farmetsevtika salasynda daý-shar men memleket qarajatyn shashý isi tyiylmai tur.
Taiaýda «Ádildik joly» respýblikalyq qoǵamdyq birlestiginiń atqarýshy direktory Didar Smaǵulov óziniń Feisbýktaǵy paraqshasynda «SK-Farmatsiia» kompaniiasy memleket qarajatyn ońdy-soldy shashý isine qatysty tyń derekterin jariialaǵannan keiin Erhat Esqaliev pandemiia kezindegi jaisyz oqiǵalardan sabaq almaǵanyn túsindik.
– Atalǵan ekpelerdi Medix jáne Prince Pharma Ltd dep atalatyn eki kompaniia árbir dozasyn 14 333 teńgeden turaqty túrde satyp alyp, birneshe jyl boiy elge jetkizip otyrǵan. Ár jyly orta eseppen ekpeniń 600 myńnan astam dozasy satyp alynatynymyzdy eskersek, memleket bul úshin qyrýar qarjy jumsaǵanyn baiqaimyz, – deidi «Ádildik joly» uiymynyń atqarýshy direktory Didar Smaǵulov.
Al 2019 jyly elge ekpe jetkizý isine oilamaǵan jerden «Kazbeledfarm» degen kompaniia aralasyp, olar dál sondai ekpenniń 624 077 dozasyn 5,3 mlrd teńgege satyp alyp, elge jetkizedi.
Olardyń jumsaǵan qarjysyn vaktsinanyń ár dozasyna shaǵyp jibergende «Kazbeledfarm» kompaniiasy ekpeniń ár dozasyn 8 431 teńgege satyp alǵan baiqaýǵa bolady. Al buǵan deiin joǵaryda atap ótken eki kompaniia (Medix jáne Prince Pharma Ltd) ekpeniń ár dozasyn 14 333 teńgeden satyp alyp, memleket qazynasyn biraz shyǵynǵa batyrǵany belgili bolyp qalady.
Osylaisha «Ádildik joly» uiymy vaktsina baǵasynyń ár jyldary myń qubylǵanyn baiqap qalyp, bul istiń sońyna túsken.
«SK-Farmatsiia» kompaniiasy 2019 jyldan keiin ekpeni tómen baǵaǵa satyp almai, ár vaktsinany 14 183 teńgege (burynǵydan 150 teńgege arzan) satyp alý isin jalǵastyrǵan. Al qymbat ekpeni sol baiaǵy «Mediks» kompaniiasymen taǵy «Kniaz Farma Ltd» degen mekeme jetkizip otyrypty.
Qoǵam belsendisi 2020, 2021, 2022 jyldary 2 million ekpeni ádil baǵamen – árbir dozasyn 8 431 teńgeden satyp alǵanda, memlekettiń 10 mlrd teńgeden astam qarjysyn únemdeýge bolatynyn alǵa tartyp, dabyl qaǵýda.
Iia, aitsa aitqandai aldaǵy ýaqytta Esqaliev basqarǵan «SK-Farmatsiia» kompaniiasynyń sońyna Antikor qyzmetkerleri qoldaryna sham alyp tússe tańqalmaimyz.
Óitkeni taiaýda Sybailas jemqorlyqqa qarsy kúres jónindegi agenttigi ózderiniń Telegarm arnasy meditsina salasyna qajetti jabdyqtardyń satyp alý, aýrýhanalar men emhanalar salý jáne jóndeý isi, sondai-aq emdeý mekemeleri qyzmetkerleriniń eńbekaqy qory jáne «SK-Farmatsiia» JShS qyzmetine qatysty taldaý jasaǵandaryn jariia etken bolatyn. Osy taldaýlarda talai bylyq sý betine qalqyp shyqqan bolýy múmkin.
