Vedomstvo basshysy sala mamandaryna qazirgi aqparattyq tehnologiialardan qalys qalmaýdy qatań eskertip otyr.
Ministrdiń aitýynsha elimizdegi esirtki biznesi áldeqashan internet keńistikke aýysyp ketken, al bul ortany baqylaý, qylmystyń jolyn kesý, "jeńgetailardyń" jelisin anyqtaý úshin "kiber álemniń" uńǵyl-shuńǵylyn beske biletin mamandar aýadai qajet.
Ahmetjanov óz pikirinde:
«Myna jaitty kerek: 2019-2020 jyldardan bastap ǵalamtor arqyly esirtkini jarnamalaý, paidalanýǵa úgitteý, saýdalaý aýyr jáne asa aýyr qylmys túrine jatady. Olardyń jolyn kesý boiynsha júrgizilip jatqan belsendi jumys asa aýyr qylmystyń 30 paiyzǵa artýyna alyp keldi.
Demek, búgingi tirkelip jatqan qylmys ataýlynyń árbir úshinshisi esirtkige tikelei qatysy bar. Onyń 300-den astamy ǵalamtor kómegimen jasalǵan. Iaǵni, alys - beris internet arqyly júrgizilgen.
Biylǵy jyldy qańtarynan beri júrgizilgen monitoring negizinde 1700-den asa esirtki jarnamasymen ainalysatyn portaldar anyqtaldy. Bulardyń barlyǵy da "kiber baqylaý" júiesiniń kómegimen birjolata buǵattaldy.
Ǵalamtorǵa ornyǵyp alǵan osynaý internet-dúkenderge – esirtki kommertsiiasymen ainalysatyndar, ony jetkizý jumysy júktelgen kýrerler, kerek deseńiz altyn, kúmis qabyldaityn lombardtardan turatyn úlken qylmystyq top ielik etedi. Bir sózben aitqanda, bul esirtki saýdalaýdyń tsifrlyq uia deýge bolady», – dedi ministr Ahmetjanov.
Onyń aitýynsha, álgindei bir internet-resýrsty joiýdyń arqasynda júzdegen, myńdaǵan adamnyń ómirin saqtap qalýǵa negiz bar. Sondai-aq, ministr indet kezinde jabyq shekara jaǵdaiynda paida bolyp, damyp otyrǵan dárilik zerthanalar men qoimalar da úlken qaýip tóndiretinin atap ótti.
Biylǵy jyldyń basynan beri qazaqstandyq politseiler osyndai otyzdan astam tsehtyń kózin joiyp, 100 keli sintetikalyq nemese 2 mlrd teńgege jýyq 200 myńnan astam dozany tárkilegen.
Ishki ister ministri aitýynsha, ótken aptada ǵana Pavlodar men Petropavl qalalarynda internet-dúken arqyly esirtki satýshylar ustalyp, olardan eki jarym keli sintetikalyq esirtki tárkilengen.
«Reseilik quqyq qorǵaý organdarymen birlese júrgizgen shuǵyl operatsiia barysynda transulttyq esirtki toby túbirimen joiyldy. Osy uiymnyń tóbe basyndaǵy turǵan azamattardan Taraz ben Omski qalasynda jasyrǵan quny 9 mln dollarǵa jýyqtaityn 250 keli synthetics sanatyndaǵy narkotik tabyldy.
Aita keteiin, atalǵan esirtkiniń sanaty byltyrǵy jyldyń kúz aiynan bastap qana asa aýyr sanatqa jatqyzylǵan esirtkiniń tizimine endi. Esterińizge salaiyn, munymen oinaýǵa bolmaidy. Muny ermek kóretindei, egerde narkotiktiń bir gramyn saqtasa da, qylmystyq jaýapqa tartylady», – dedi ministr.
Ministrdiń málimetinshe, biylǵy jyldyń basynan kúni búginge deiin politseiler 11 tonnadan astam esirtkini tárkilep, arnaiy qylmys toptaryn áshkerelegen.
