Qazaqstanda koýchter men psıhologtardan lısenzıa talap etilýi múmkin, dep habarlaıdy Dalanews.kz.
Senator Amangeldi Esbaıdyń pikirinshe, elde ózin-ózi damytý salasynda tártip ornatatyn ýaqyt keldi. Ol koýchter men psıhologtardy lısenzıalaýdy, sondaı-aq olardyń tabystaryn resmı túrde deklarasıalaýdy usyndy.
"Onlaın kýrs bitirgender adam emdep júr"
Depýtattyń aıtýynsha, búginde tabys pen "jeke damý" taqyrybynda trenıń ótkizetinderdiń kóbi birneshe onlaın kýrstan ótken, biraq tıisti bilimi men kásibı daıyndyǵy joq. Soǵan qaramastan, olar ózderin maman sanap, adamdardyń psıhologıalyq jaǵdaıyna aralasyp júr.
"Osyndaı "mamandardyń" keıbiri klıentterin manıpýlásıa jasap, jeke aqparatty jarıalap nemese tipti "damý úshin nesıe alýǵa" úgittep júr", – dedi Esbaı.
Usynys
Senator bul salany baqylaý úshin koýchterdiń ulttyq tizimin qurýdy, mindetti lısenzıalaý júıesin engizýdi jáne tabys týraly ashyq esep berý tártibin ornatýdy usyndy.
Onyń pikirinshe, mundaı sharalar halyqty alaıaq "psıhologtar" men jalǵan koýchterden qorǵaýǵa jáne bul baǵytta quqyqtyq tártip ornatýǵa kómektesedi.
