Aqtóbe oblysy Alǵa aýdanynyń Besqospa aýylynda 22 jastaǵy kelinshek ógeı qaıyn atasynan «zorlyq kórdim» dep shaǵym túsirdi. Oqıǵa kelin men qaıyn atasy birge turatyn úıde bolǵan dep habarlaıdy Dalanews.kz Orda.kz-ke siltep.

Resmı málimetke súıensek, shaǵym 29 qazan kúni túsken. 22 jastaǵy kelinshek oqıǵany polısıaǵa ózi baıandaǵan. Qazir tergeý amaldary júrgizilip jatyr. Kúdikti ýaqytsha ustaý ızolátoryna qamalǵan. 

«Polısıa Alǵa aýdanynyń 22 jastaǵy turǵynyn zorlaý faktisi boıynsha kúdiktini ustady jáne ýaqytsha ustaý ızolátoryna qamady. Qylmystyq isti jan-jaqty, ári beıtarap tergeýge baǵyttalǵan keshendi tergeý is-sharalary júrgizilip jatyr. Qylmystyq is boıynsha ózge aqparat tergeý múddesine baılanysty jarıa etilmeıdi»,  dep habarlaıdy PD baspasóz qyzmeti. 

Belgili bolǵandaı jábir kórgen kelinshektiń eki balasy bar. Balalardyń úlkeni 3 jasta. Kishisi qyrqynan endi ǵana shyqqan.

Oqıǵanyń úıde kúıeýi joq kezde bolǵany aıtylady. Qazir kelinshekke psıhologıalyq kómek kórsetilip jatyr. 

Kúdikti – 53 jastaǵy enesiniń kúıeýi. Enesi birinshi joldasy qaıtys bolǵannan keıinnen ekinshi ret turmys qurǵan. Iaǵnı, kelinshektiń týǵan qaıyn atasy emes. Biraq sol úıge kelin bolyp túsken. Bári birge turǵan.