Kásiptik baǵdar berý aksıasy Memleket basshysy jarıalaǵan Balalar jyly aıasynda ótkizildi.
Qarý-jaraq úlgileri men jeke qorǵanys quraldarynyń kórmesin aralaǵan oqýshylarǵa Kalashnıkov avtomatyn ózdiginshe bólshektep-jınaýǵa, jalpy áskerı qorǵanys kostúmin kıý normatıvin oryndaýǵa múmkindik berildi.
Oqytýshylar balalarǵa joǵary oqý ornynyń kafedralaryn aralatyp, ár mamandyqtyń artyqshylyqtary men erekshelikteri jaıly áńgimelep berdi. Odan ózge oqý synyptaryn, kazarmalardy, sport zaldy jáne ashanany kórsetti.
– Kýrsanttar oqıtyn ınjenerlik-tehnıkalyq mamandyqtar Qarýly kúshterde, basqa da áskerler men áskerı quralymdarda ǵana emes, azamattyq salada da keńinen suranysqa ıe, – dep atap ótti ınstıtýt bastyǵy polkovnık Qaırat Dáýitov oqýshylarmen kezdesý barysynda.
Sondaı-aq ol áskerı ınstıtýt memlekettiń egemendigi men aýmaqtyq tutastyǵyn qorǵaýǵa qabiletti bolashaq ofıserlerdi daıarlaýdy júzege asyra otyryp, onyń qorǵanys qabiletin nyǵaıtý isine edáýir úles qosatynyn da aıtyp ótti.
