Búgin Qazaqstan men Orta Aziiadaǵy pedagogikalyq baǵyttaǵy kóshbasshy Abai ýniversiteti QS Stars halyqaralyq reitingtik júiesi boiynsha «Bes Juldyz» úzdik belgisin ielenip, óziniń pozitsiiasyn odan ary nyǵaita tústi. Bul mártebeli marapat elimizdiń tuńǵysh joǵary oqý ornyna akademiialyq, ǵylymi-zertteý, áleýmettik qyzmet jáne tiimdi basqarý baǵyttaryndaǵy jetistikteri úshin tabys etildi, dep habarlaidy Dalanews.kz.
Koreia Respýblikasynyń Seýl qalasyndaǵy Korea ýniversitetinde Aziiadaǵy joǵary bilim ordalary úshin asa áleýetti «QS Higher Ed Summit: Asia Pacific – 2025» sammitiniń ótip jatqanyna búgin úshinshi kún. Osy saltanatty jiyn barysynda Abai ýniversiteti QS Stars júiesi boiynsha «Bes Juldyz» úzdik belgisin ielenip, Qazaqstan joǵary oqý oryndaryna úlken serpilis ákeldi. Bul mártebeli ataq – «5 Stars» úzdik belgisi ýniversitettiń akademiialyq, ǵylymi-zertteý, áleýmettik qyzmet jáne tiimdi basqarý baǵyttaryndaǵy jetistikteri úshin berilip otyr.
QS Stars reitingi – joǵary oqý oryndaryn oqytý sapasy, ǵylymi zertteý, túlekterdiń jumysqa ornalasýy, áleýmettik jaýapkershilik jáne basqarý tiimdiligi siiaqty negizgi baǵyttar boiynsha keshendi baǵalaityn halyqaralyq júie. Bul baǵalaý ár ýniversitettiń biregei artyqshylyqtaryn aiqyndap, olardyń jahandyq bilim keńistigindegi ornyn kórsetedi.
Marapat Seýl qalasynda ótken QS Stars Award Ceremony rásiminde Abai atyndaǵy QazUPÝ Basqarma tóraǵasy-Rektor Bolat Tilepke saltanatty túrde tabys etildi. Onda QS Stars júiesi boiynsha aýditten sátti ótken jáne joǵary nátijelerge qol jetkizgen Aziianyń úzdik ýniversitetteri ataldy.
– Ýniversitettiń keshendi aýditten ótýi bizdiń myqty jáne álsiz tustarymyzdy aiqyndaýǵa ári damý baǵyttarymyzdy naqtylaýǵa múmkindik berdi. Al «Bes Juldyz» reitingi – halyqaralyq deńgeide búkil ujymymyzdyń júieli, maqsatty jáne qajyrly eńbeginiń moiyndalýynyń aiqyn dáleli», – dedi rektor.
Osylaisha, Abai ýniversiteti «Bolashaq joǵary bilim» sammitinde joǵary nátijege qol jetkizip, Qazaqstannyń joǵary bilim salasynyń sapasy men halyqaralyq básekege qabilettiligin taǵy bir márte dáleldedi.
Esterińizge sala keteiik, bilim berýdegi jańa tehnologiialar, demografiialyq ózgerister jáne Aziia ýniversitetteriniń tájiribesi biylǵy sammittiń basty taqyrybyna ainaldy. Paneldik sessiialarda strategiialyq yntymaqtastyq negizi trend retinde qaraldy. Halyqaralyq basqosý qazirgi ýniversitetter úshin geografiialyq ornalasý nemese eldiń ekonomikalyq damý deńgeii basty nárse emes ekeni aiqyndap, ǵalamdyq akademiialyq qaýymdastyqty biriktiretin strategiialyq áriptestik jelileri men olardy damytý mańyzdy ekenin kórsetti.
