Aktóbe oblysy Yrǵyz aýdanynyń Jer qatynastary bóliminiń basshysy Medet Berdalın para alý faktisi boıynsha 8,6 mln teńge aıyppulǵa kesildi, dep habaralaıdy Dalanews.kz.

"HALYQSTAN" telegram arnasynyń málimetinshe, qyrkúıek aıynda Berdalın Nurın aýyldyq okrýginiń qosalqy jer qorynan bir aı merzimge shóp daıyndaý maqsatynda jer ýchaskesin bólýge kómektesý úshin sharýa Nurdos Erkinǵalıevten 300 myń teńge alǵan.

Fermer aýdan ákimdigine resmı ótinishpen kelgen, alaıda áńgime barysynda sheneýniktiń para alý nıeti týyndaǵan. Ol “máseleni sheshý” úshin aqsha suraǵan, al keıin tólengen soma Berdalınniń áıeli arqyly alynǵan. Aqsha berilgennen keıin Berdalın ustaldy.

Sotta sheneýnik aıyptardy moıyndady, is qaraý jeńildetilgen tártipte júrgizildi. Sońynda sot Berdalınge paranyń 30 eselengen mólsherinde aıyppul saldy. Ustalǵan ýaqyt esepke alynǵannan keıin 346 myń teńge shegerilip, aıyppul 8,6 mln teńgege qysqartyldy.

Sonymen qatar sot Berdalınge memlekettik organdar men kvazımemlekettik sektordaǵy laýazymdardy ómir boıyna ıelenýge tyıym saldy. Para somasy memleket kirisine tárkilendi.