«Qairat» fýtbol klýbynyń jas qaqpashysy Sherhan Qalmurzanyń anasy Sáýle Rabaeva qasietti qajylyq saparyna jol tartty, dep habarlaidy Dalanews.kz.
Ol Mekkede túsken sýretteri men videolaryn áleýmettik jelide bólisip, qýanyshty sátin kópshilikpen bólisti.
Aita keteiik, buǵan deiin Sherhan Qalmurzaǵa Ýmra qajylyǵyna joldama syilanǵan bolatyn. Bul erekshe syilyq oǵan Almatyda ótken saltanatty sharanyń birinde tabys etilgen edi. Sol keshte qaqpashy men anasy qurmetti qonaqtar qatarynda bolyp, qasietti saparǵa arnalǵan sertifikatqa ie bolǵan.
Talantty sportshy buǵan deiin de birneshe márte jurt nazaryn aýdarǵan. Almatyda ótken «Qairat» pen «Real Madrid» arasyndaǵy tarihi kezdesýden keiin kásipker Ulyqbek Sharipov oǵan zamanaýi Exeed kóligin syiǵa tartqan. Sondai-aq Ǵylym jáne joǵary bilim ministrligi daryndy sportshyǵa bilim grantyn usynǵan bolatyn.
