«قايرات» فۋتبول كلۋبىنىڭ جاس قاقپاشىسى شەرحان قالمۇرزانىڭ اناسى ساۋلە رابايەۆا قاسيەتتى قاجىلىق ساپارىنا جول تارتتى، دەپ حابارلايدى Dalanews.kz.
ول مەككەدە تۇسكەن سۋرەتتەرى مەن ۆيدەولارىن الەۋمەتتىك جەلىدە ءبولىسىپ، قۋانىشتى ءساتىن كوپشىلىكپەن ءبولىستى.
ايتا كەتەيىك، بۇعان دەيىن شەرحان قالمۇرزاعا ۋمرا قاجىلىعىنا جولداما سىيلانعان بولاتىن. بۇل ەرەكشە سىيلىق وعان الماتىدا وتكەن سالتاناتتى شارانىڭ بىرىندە تابىس ەتىلگەن ەدى. سول كەشتە قاقپاشى مەن اناسى قۇرمەتتى قوناقتار قاتارىندا بولىپ، قاسيەتتى ساپارعا ارنالعان سەرتيفيكاتقا يە بولعان.
تالانتتى سپورتشى بۇعان دەيىن دە بىرنەشە مارتە جۇرت نازارىن اۋدارعان. الماتىدا وتكەن «قايرات» پەن «رەال مادريد» اراسىنداعى تاريحي كەزدەسۋدەن كەيىن كاسىپكەر ۇلىقبەك شاريپوۆ وعان زاماناۋي Exeed كولىگىن سىيعا تارتقان. سونداي-اق عىلىم جانە جوعارى ءبىلىم مينيسترلىگى دارىندى سپورتشىعا ءبىلىم گرانتىن ۇسىنعان بولاتىن.
