Qazaqstannyń Aýyl sharýashylyǵy ministrligi el aýmaǵynan aýyl sharýashylyǵy janýarlaryn eksporttaýǵa qoiylǵan shekteýlerdiń qoldanylý merzimin uzartty, dep habarlaidy Dalanews.kz.
Qujatqa sáikes, 2026 jylǵy 30 sáýirge deiin tiri qoi men eshki eksporttaýǵa arnalǵan kvotalar saqtalady — jalpy sany tórt aidan asqan 120 000 qoshqar. Shekteýler Eýraziialyq ekonomikalyq odaqqa múshe elderge de, oǵan kirmeitin memleketterge de qoldanylady.
Sondai-aq kvotalardy bólý qaǵidalary bekitildi. Ministrlik qaǵidalar kúshine engennen keiin úsh jumys kúni ishinde gov.kz portalynda kvotalardy bólý bastalǵany týraly habarlandyrý jariialaýǵa mindetti. Kvotalar eki qatysýshy sanaty arasynda teń bólinedi: bordaqylaý alańdaryna – 60 000 bas, aýyl sharýashylyǵy taýaryn óndirýshilerge – 60 000 bas.
