Oqiǵa Nura aýdanynyń bir turǵyn úi kesheninde boldy: bir er adam liftte qalyp, al ekinshisi shahtaǵa túsip qaldy. Qutqarýshylar adamdardy bosatý úshin qol qural- jabdyqtaryn qoldanýǵa májbúr boldy, dep habarlaidy Dalanews.kz.
Qalalyq TJ departamentiniń habarlaýynsha, lifttegi oqiǵa 4 qarasha kúni saǵat 05:11-de bolǵan.
Qutqarýshylardyń málimeti boiynsha, turǵyn úi kesheniniń liftinde adam qalyp qoiǵan. Sondai- aq, mehanizmge qysylyp qalýy yqtimal zardap shekken adam týraly málimet keldi.
«Qutqarýshylar jedel-qutqarý jasaǵynyń kómegimen qol qural- jabdyqtaryn paidalanyp, lift esigin ashyp, 1994 jyly týǵan er adamdy bosatty.
Sonymen qatar, lift qyzmetiniń ókilderimen birlesip qutqarýshylar lift shahtasynan 1987 jyly týǵan er adamdy shyǵardy. Ol ári qarai meditsinalyq tekserý úshin meditsinalyq qyzmet brigadasyna tapsyryldy», – dep habarlady TJ departamenti.
