وقيعا نۇرا اۋدانىنىڭ ءبىر تۇرعىن ءۇي كەشەنىندە بولدى: ءبىر ەر ادام ليفتتە قالىپ، ال ەكىنشىسى شاحتاعا ءتۇسىپ قالدى. قۇتقارۋشىلار ادامداردى بوساتۋ ءۇشىن قول قۇرال- جابدىقتارىن قولدانۋعا ءماجبۇر بولدى، دەپ حابارلايدى Dalanews.kz.
قالالىق تج دەپارتامەنتىنىڭ حابارلاۋىنشا، ليفتتەگى وقيعا 4 قاراشا كۇنى ساعات 05:11-دە بولعان.
قۇتقارۋشىلاردىڭ مالىمەتى بويىنشا، تۇرعىن ءۇي كەشەنىنىڭ ليفتىندە ادام قالىپ قويعان. سونداي- اق، مەحانيزمگە قىسىلىپ قالۋى ىقتيمال زارداپ شەككەن ادام تۋرالى مالىمەت كەلدى.
«قۇتقارۋشىلار جەدەل-قۇتقارۋ جاساعىنىڭ كومەگىمەن قول قۇرال- جابدىقتارىن پايدالانىپ، ليفت ەسىگىن اشىپ، 1994 جىلى تۋعان ەر ادامدى بوساتتى.
سونىمەن قاتار، ليفت قىزمەتىنىڭ وكىلدەرىمەن بىرلەسىپ قۇتقارۋشىلار ليفت شاحتاسىنان 1987 جىلى تۋعان ەر ادامدى شىعاردى. ول ءارى قاراي مەديسينالىق تەكسەرۋ ءۇشىن مەديسينالىق قىزمەت بريگاداسىنا تاپسىرىلدى»، – دەپ حابارلادى تج دەپارتامەنتى.
