Qazaqstanda endi sot oryndaýshylaryna mobildi qosymsha arqyly shaǵymdanýǵa bolady, dep habarlaidy Dalanews.kz.
"AdiletGov mobildi qosymshasy iske qosylǵan sátten bastap 2,5 myńnan astam azamat sot oryndaýshylaryna júginip, atqarýshylyq is júrgizý aiasynda óz máselelerin sheshti. AdiletGov qosymshasy atqarýshylyq óndiristiń qoljetimdiligi men ashyqtyǵyn arttyrý maqsatynda QR Ádilet ministrligi men JSORP birlesip ázirlegen. Qosymsha arqyly azamattar atqarýshylyq is júrgizýdiń barysyn baqylap, sot oryndaýshysy qabyldaǵan sharalarmen tanysa alady, ótinishter men shaǵymdar joldaidy, sondai-aq olardyń qaralý mártebesin qadaǵalai alady", - delingen Jeke sot oryndaýshylarynyń respýblikalyq palatasynyń habarlamasynda.
Málimetke súiensek, paidalanýshylar naqty ýaqyt rejiminde sot oryndaýshysy qandai protsessýaldyq áreketter jasaǵanyn kóre alady.
"Eger eshqandai áreket jasalmasa, qoldanýshy tiisti shara qabyldaý qajettigi jóninde ótinish joldai alady jáne bes jumys kúni ishinde jaýap alady. Al eger sot oryndaýshy belgilengen merzimde jaýap bermese nemese tiisti áreketterdi oryndamasa, ótinish avtomatty túrde óńirlik palata men ádilet departamentine joldanady. AdiletGov qosymshasyn Google Play jáne App Store platformalarynan júktep alýǵa bolady", - dep naqtylady palata ókilderi.
