Almatyda jaiaý júrginshiler ótkelinde jeti jastaǵy qyzdy qaǵyp óltirgen júrgizýshi 2,5 jylǵa sottaldy, dep habarlaidy Dalanews.kz.
Rezonans týdyrǵan jol-kólik oqiǵasy biyl 2 sáýirde Alataý aýdanynda bolǵan. "Sitrak" júk kóliginiń júrgizýshisi Býrýndai kóshesimen kele jatyp, "zebra" arqyly joldan ótip bara jatqan balany qaǵyp ketken. Oqiǵa qyzdyń anasynyń kóz aldynda bolǵan.
Sot er adamdy QR Qylmystyq kodeksiniń 345-babynyń 3-bóligi "Jol qozǵalysy erejelerin buzý, abaisyzda adam ólimine ákelý" baby boiynsha kináli dep tanydy. Oǵan 2 jyl 6 ai merzimge bas bostandyǵynan aiyrý jáne 5 jylǵa kólik júrgizý quqyǵynan aiyrý jazasy taǵaiyndaldy.
Apelliatsiialyq sot instantsiiasy úkimdi ózgerissiz qaldyryp, tek materialdyq zalaldy óteý bóligine túzetý engizdi.
Eske sala keteiik, buǵan deiin Qarasý shaǵynaýdanynda júk kóligi jaiaý júrginshiler ótkelinde 7 jasar qyzdy qaǵyp ketken edi. Oqiǵa ornynan túsirilgen jantúrshigerlik beinejazba áleýmettik jelilerde tarady. Politsiia málimetinshe, Renault markaly júk kóliginiń júrgizýshisi Buryndai kóshesimen batys baǵytta qozǵalyp kele jatyp, balany qaǵyp ótken. Ol oqiǵa ornynda kóz jumǵan.
