«Alataý Jaryq Kompanıasy» AQ-nyń «Energosbyt» fılıaly 2025 jylǵy 1 qazannan bastap elektr energıasynyń shekti baǵasyn arttyrý jobasyn kelisýge usyndy. Bul týraly kompanıanyń resmı málimdemesinde aıtyldy,- dep habarlaıdy Dalanews.kz
Jańa tarıf jobasy «Qoǵamdyq mańyzy bar naryqtardaǵy baǵa belgileý qaǵıdalaryna» jáne Qazaqstan Respýblıkasynyń Kásipkerlik kodeksine sáıkes ázirlengen.
Kompanıa baǵa ósýiniń negizgi sebepterin atady:
- 2025 jylǵy 1 tamyzdan bastap aımaqtyq deńgeıdegi jeliler boıynsha elektr energıasyn jetkizý tarıfi 12,96 teńgeden 14,25 teńgege/kVts deıin kóterildi;
- 2025 jylǵy 1 qazannan bastap ótemdik tarıf engizilmek – 13,99 teńge/kVts;
- 2025 jylǵy 1 sáýirden bastap «Qazaqstan temir joly» UK» AQ jelileri boıynsha tarıf 3,66 teńgeden 5,41 teńgege/kVts deıin (48%-ǵa) ósti.
"Qazirgi ýaqytta jańa tarıf áli bekitilgen joq. Ótinim Tabıǵı monopolıalardy retteý komıtetiniń Departamentinde qaralýda. Resmı jaýap 10 kún ishinde jarıalanady", - dedi Alataý Jaryq Kompanıasynda.
Usynylyp otyrǵan shekti tarıf (QQS-syz):
- Jalpy shekti baǵa – 38,01 teńge/kVts.
- Tutyný normalary boıynsha:
- 1-deńgeı – 30,39 teńge/kVts
- 2-deńgeı – 40,32 teńge/kVts
- 3-deńgeı – 50,40 teńge/kVts
- Tutynýshylar toptary boıynsha:
- Turmystyq tutynýshylar – 33,60 teńge/kVts
- Beırezıdenttik tutynýshylar – 38,01 teńge/kVts
- Memlekettik búdjet esebinen qarjylandyrylatyn zańdy tulǵalar – 74,55 teńge/kVts
- SZT, SEZ, AP RK qatysýshylary – 38,01 teńge/kVts
Eske salaıyq, qazir elektr energıasy úshin shekti tarıf (QQS-syz) - 31,85 teńge. Demek, bul joba qabyldanǵan jaǵdaıda Almaty jáne Almaty oblysynda jaryq baǵasy 19,3%-ǵa qymbattaıdy.
