Memleket basshysy Qasym-Jomart Toqaevtyń «Ádiletti Qazaqstan: zań men tártip, ekonomikalyq ósim, qoǵamdyq optimizm» atty Qazaqstan halqyna Joldaýynda saýda salasyn damytý jáne elimizdiń eksporttyq áleýetin kúsheitý memleket saiasatynyń basym baǵyttarynyń biri retinde ataldy. Prezident otandyq taýar óndirýshilerdiń pozitsiiasyn nyǵaitý, shikizattyq emes eksport kólemin arttyrý, shaǵyn jáne orta bizneske qolaily jaǵdai jasaý siiaqty naqty mindetter qoidy. Úkimet Memleket basshysynyń tapsyrmalaryn júzege asyrý úshin biznesti júrgizýdiń ashyq qaǵidalaryn ázirlep, ishki saýdany damytýda jáne otandyq taýarlardyń syrtqy naryqqa shyǵýyna qajetti infraqurylym qalyptastyrady,- dep habarlaidy Dalanews.kz
«Saýda salasynda 800 myńnan astam biznes sýbektisi ainalysyp, 1,5 mln-nan astam adamdy jumyspen qamtamasyz etip otyr. “Aityldy-jasaldy" qaǵidaty boiynsha Memleket basshysynyń Qazaqstan halqyna Joldaýynda aitqan tapsyrmalary belsendi túrde júzege asyrylýda», — dep atap ótti saýda jáne integratsiia ministri Arman Shaqqaliev.
Úkimet ishki naryqty qorǵaýǵa jáne otandyq óndirýshilerdi qoldaýǵa baǵyttalǵan retteýshi sharalardy ázirledi. 2025 jyldyń mamyr aiynda taýarlardyń shyǵarylǵan elin aiqyndaý máseleleri boiynsha Qazaqstan Respýblikasynyń zańnamasyna ózgerister engizildi. Otandyq taýar óndirýshilerdiń biryńǵai tizilimi jasalady onda óndirýshiler týraly naqty derekter jinaqtalyp, olarǵa memlekettik qoldaý sharalaryna, sondai-aq memlekettik jáne kvazimemlekettik satyp alýlarǵa qol jetkizý múmkindigi qamtamasyz etiledi.
Saýdany yntalandyrý jáne dúken sórelerindegi otandyq taýarlar úlesin arttyrý maqsatynda qazaqstandyq óndirýshiler ónimderi úshin keminde 50% sórelik keńistikti kózdeitin baǵdarlama iske qosyldy.
Sonymen qatar sapasyz ári qaýipti ónimderdiń ishki naryqqa enýine shekteý qoiý baǵytynda belsendi jumys júrgizilip jatyr.
«Barlyq baqylaýshy organdardyń qatysýymen Ahýaldyq shtab tiimdi jumys atqarýda. 47 myńnan astam kólik tekserildi, taýarlyq salmaqta bul 600 myń tonnadan astam mal sharýashylyǵy ónimderi. Onyń ishinde 900-den astam avtokólik keri qaitaryldy, 1 myńnan astam sáikestikti rastaý qujattarynyń kúshi joiyldy», — dep atap ótti Arman Shaqqaliev.
Prezidenttiń tapsyrmasy boiynsha shikizattyq emes eksportty ártaraptandyrý jáne arttyrý maqsatynda «bir tereze» qaǵidaty boiynsha qarajat quraldarynyń tolyq spektrin usynatyn Eksporttyq-kredittik agenttik quryldy.
Biylǵy 7 aida kórsetilgen qarjylai qoldaý kólemi ótken jyldyń sáikes kezeńimen salystyrǵanda 200 mlrd teńgege artyp, 394 mlrd teńgeni qurady. Qoldaý kórsetiletin barlyq jobalardyń 71%-yn quraityn shaǵyn jáne orta bizneske erekshe nazar aýdarylýda. Bul rette ortasha jáne joǵary qaita bólý ónimderiniń úlesi 83%-ǵa jetip otyr.
Qazaqstandyq taýarlardy syrtqy naryqta ilgeriletýdi kúsheitý úshin halyqaralyq infraqurylym qalyptastyrylýda. Qytai provintsiialarynda seriktestik keńseler, ókildikter jáne ulttyq pavilondar iske qosylýda, sonyń ishinde ondai nysandar Chendý, Úrimshi, Nankin jáne Shandýn provintsiialarynda bar. Ózbekstanda "Termez" halyqaralyq saýda ortalyǵynyń aýmaǵynda qazaqstandyq ónimderdiń saýda pavilony jumys istep tur. Eksportty ilgeriletý boiynsha jumys BAÁ, Túrkiia, Úndistan, Iran jáne Qytaida qarqyndy júrgizilýde
Oǵan qosymsha aldaǵy ýaqytta eksportqa shyǵýymyz kerek elderde saýda-ekonomikalyq missiialar ótkizilýde, qazaqstandyq taýarlardy halyqaralyq elektrondyq alańdarda ilgeriletý boiynsha jumystar júrgizilýde, mysaly olardyń arasynda jd.com, Doiyin, Alibaba siiaqty saýda-sattyq alańdary bar.
Ashyq jáne básekeles birja naryǵyna arnalǵan jańa erejeler
Prezident tapsyrmalaryn oryndaý úshin 2024 jylǵy jeltoqsanda naryqtyń ashyq jumys isteý erejelerin ornatý úshin básekelestik ortany damytýǵa baǵyttalǵan Birjalyq saýda týraly zań qabyldandy.
«Áleýmettik mańyzy bar birjalyq taýar» uǵymy zańnamalyq túrde engizildi, ol energetikalyq jáne azyq-túlik qaýipsizdigin qamtamasyz etý úshin sheshýshi mańyzǵa ie. Bul alypsatarlyqty joiyp, baǵany ashyq belgileýge jáne otandyq naryqty osy taýarlarmen turaqty qamtamasyz etýge kepildik beredi», — dedi saýda jáne integratsiia ministri Arman Shaqqaliev.
Odan bólek, áleýmettik mańyzy bar taýarlarmen saýdany júzege asyrýǵa ýákiletti birjalardy konkýrstyq irikteý tetigi engizildi. Bul affiliirlengen qurylymdardyń qurylýyn boldyrmaidy jáne qatysýshylardyń saýda alańdaryna teń qol jetkize alýyna kepildik beredi.
Áleýmettik az qamtylǵan sanattaǵy azamattarǵa kómek kórsetýdiń jańa tetikteri
Prezidenttiń azamattardyń áleýmettik az qamtylǵan sanattaryna tiimdi ataýly qoldaýdy qamtamasyz ete otyryp, tikelei baǵany retteýden kezeń-kezeńimen bas tartý týraly tapsyrmasyn oryndaý úshin 2024 jylǵy sáýirde biznesti júrgizýdi retteitin Qazaqstan Respýblikasynyń zańnamalyq aktilerine ózgerister men tolyqtyrýlar engizildi.
«Osy ózgeristerge sáikes biz áleýmettik mańyzy bar taýarlardyń baǵasyn tikelei retteýden bas tartamyz jáne ataýly áleýmettik kómekke kóshemiz. Saýda ústemesiniń 15%-y baqylaýdy kúsheitý paidasyna áleýmettik mańyzy bar taýarlarǵa shekti baǵalardy engizý tetigi alynyp tastalady», — dep atap ótti Arman Shaqqaliev.
Daiyndyq kezeńinde ataýly kómek tetigin testileýge baǵyttalǵan «Tsifrlyq azyq-túlik vaýcheri» pilottyq jobasy júzege asyrylýda. Onyń sheńberinde alýshylarǵa áleýmettik mańyzy bar taýarlardy saýda ústemesinsiz satyp alý baǵasymen satyp alýǵa múmkindik beretin azyq-túlik vaýcherleri usynylady, bul kómekti maqsatty jáne ádil bólýdi qamtamasyz etedi.
«Memleket basshysynyń barlyq tapsyrmalary erekshe baqylaýda. Árbir is-sharany júzege asyrý josparly rejimde júrip jatyr, mindetter sapaly jáne belgilengen merzimde oryndalatyn bolady», — dep atap ótti saýda jáne integratsiia ministri.
Saýda men shikizattyq emes eksportty damytý jónindegi is-sharalar kesheni Prezidenttiń tapsyrmalaryn oryndaýǵa júieli jáne dáiekti kózqarasty kórsetedi.
Úkimettik sharalar ekonomikalyq ósý úshin turaqty negiz qurýǵa, básekege qabilettilikti arttyrýǵa jáne Qazaqstannyń halyqaralyq saýda tizbekterine integratsiialanýyna baǵyttalǵan.
