Astana qalasynyń bilim basqarmasy Kárim Másimovten tárkilengen záýlim úidi nege áleýmettik nysanǵa ainaldyrýdan bas tartqanyn túsindirdi, dep habarlaidy Dalanews.kz.
Buǵan deiin "Qaitarylǵan aktivterdi basqarý kompaniiasy" (QÝVA) elitaly osobniakty saýdadan alyp tastaǵan edi. Bul sheshim astanalyq akimattyń suraýy boiynsha qabyldanǵan. Alaida keiin qala ákimdigi bul múlikti kommýnaldyq menshikke qabyldaýdan bas tartatynyn habarlady. BES.media-ǵa resmi jaýapta bilim basqarmasy munyń sebebin atady.
Resmi derekke súiensek, ǵimarat sanitarlyq normalarǵa jáne áleýmettik nysandardy ornalastyrýǵa qoiylatyn talaptarǵa sáikes kelmeidi.
1,68 mlrd teńge dep baǵalanǵan úi akimattyń ótinishinen keiin saýdadan alynǵan. Biraq keiin qala biligi ony kommýnaldyq menshikke qabyldaýdan bas tartty.
Páter aýmaǵy shamamen 2,9 myń sharshy metrdi quraidy. Ishinde jihaz ben óner týyndylary bar. Ol Karaotkel yqshamaýdanynda ornalasqan. Buǵan deiin bul nysandy eQazyna arqyly satýǵa áreket jasalǵan.
UQK-niń burynǵy basshysy Kárim Másimov memleketke opasyzdyq jasady jáne bilikti basyp alýǵa árekettendi degen aiyppen 18 jylǵa bas bostandyǵynan aiyrylǵan.
